«Аз қамтылған отбасы балаларының қала сыртындағы және мектеп жанындағы лагерьлерде демалуы үшін құжаттарды қабылдау» мемлекеттік қызмет регламенті (Шығыс Қазақстан облысы әкімдігінің 2012 жылғы 29 желтоқсандағы № 340 Қаулысыменбекітілген) (күші жойылды)

Шығыс Қазақстан облысы әкімдігінің 2013 жылғы 12 тамыздағы № 212 Қаулысымен күші жойылды

Шығыс Қазақстан облысы әкімдігінің

2012 жылғы 29 желтоқсандағы

№ 340 қаулысымен

бекітілген

«Аз қамтылған отбасы балаларының қала сыртындағы және мектеп
жанындағы лагерьлерде демалуы үшін құжаттарды қабылдау»
 мемлекеттік қызмет регламенті

1. Жалпы ережелер

1. Осы регламент «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1-бабының 4-тармағына, «Қазақстан Республикасы Білім және ғылым министрлігі, жергілікті атқарушы органдар көрсететін білім және ғылым саласындағы мемлекеттік қызмет стандарттарын бекіту туралы» Қазақстан Республикасы Үкіметінің 2012 жылғы 31 тамыздағы № 1119 қаулысына сәйкес әзірленді.

2. «Аз қамтылған отбасы балаларының қала сыртындағы және мектеп

жанындағы лагерьлерде демалуы үшін құжаттарды қабылдау»

мемлекеттік қызметін (бұдан әрі - мемлекеттік қызмет) осы регламентке 1-қосымшаға сәйкес облыстардың білім басқармалары, аудандық, қалалық білім бөлімдері (бұдан әрі - уәкілетті орган) және республиканың білім беру ұйымдары көрсетеді.

3. Көрсетілетін мемлекеттік қызмет нысаны: автоматтандырылмаған.