Алматы облысы Ақсу аудандық сотының 2013 жылғы 7 ақпандағы № 2-62/2013 шешiмі

Алматы облысы Ақсу аудандық сотының 2013 жылғы 7 ақпандағы № 2-62/2013 шешiмі

Жансүгіров кенті

Алматы облысына қарасты Ақсу аудандық соты құрамында төрағалық етуші судья Н.Д.Омарбеков, хатшылыққа Г.А.Кыдырбекованы ала отырып, арыз иесі Акимбаев Абайдың қатысуымен, өзінің ашық сот мәжілісінде Акимбаев Абайдың мұрагер ретінде тіркеу мерзімін ұзарту туралы арызы бойынша түскен азаматтық істі қарап,Анықтағаны:

Ақсу аудандық сотына талапкер Акимбаев Абай, мұрагер ретінде тіркеу мерзімін ұзарту туралы арыз беріп, 24 тамыз 2006 жылы қайтыс болған зайыбы Каримова Галия Ерденбековнаның заңды мұрагері екенін, жұбайынан мұра ретінде қалған мүлікке уақытында мұрагерлік қабылдай алмай, мұралықты қабылдау мерзімін өткізіп алғанын, сондықтан нотариус өзін мұрагер ретінде тіркемей отырғанын, мұрагерлік қабылдау мерзімін сот арқылы ұзартып алу керек деген соң сотқа жүгінуге мәжбүр болғанын көрсетіп, 24 тамыз 2006 жылы қайтыс болған зайыбы Каримова Галия Ерденбековнадан мұрагерлікке қалған барлық дүниесіне мұрагер ретінде өз атына қабылдау үшін өткізіп алған тіркеу мерзімін ұзартып беруді сұраған.