Шығыс Қазақстан облысы Абай аудандық сотының 2013 жылғы 27 ақпандағы № 2-17/2013 шешімі

Шығыс Қазақстан облысы Абай аудандық сотының 2013 жылғы 27 ақпандағы № 2-17/2013 шешімі

Шығыс Қазақстан облысы Абай аудандық соты құрамында төрағалық етуші судья Е.С. Коянбаевтың, хатшылықта Б.Б. Шлиясова, арыз беруші Н Жетпісбаеваның қатысуымен ашық сот мәжілісінде Жетпісбаева Нәзипаның заңдылық маңызы бар фактіні анықтау туралы азаматтық ісін қарап, сот АНЫҚТАДЫ:

Н. Жетпісбаева сотқа берген арызында өзінің 17.12.1954 жылы Семей облысы Абралы ауданы Шаған ауылында дүниеге келгенін, туу туралы куәлігінде, жеке куәлігінде, тегі, есімі Жетпісбаева Нәзипа 17.12.1954 жылы дүниеге келген деп жазылғанын. Ал өзінің атына 15.02.1973 жылы Абай аудандық мемлекеттік банк бөлімшесімен ашылған еңбек кітапшасында әкесінің атын Есеновна деп артық жазғандарын және бұдан басқа осы еңбек кітапшасында өзінің туған айы мен күнін 27.12.1954 жыл деп қате жазғандарын. Қазіргі күнде бұл қате жазулардың өзінің зейнеткерлік жасына келуіне байланысты, құжаттарын толтырған кезінде кедергі болып тұрғандығын, сондықтан соттан 15.02.1973 жылы Абай аудандық мемлекеттік банк бөлімшесімен ашылған Жетписбаева Назипа Есеновнаға ашылған еңбек кітапшасын өзіне тиесілі екендігі туралы заңдылық маңызы бар фактіні анықтап беруді сұраған және бұдан басқа өзінің 21.12.1972- 29.01.1975 жылдар аралығында Қарауыл ауылында орналасқан Абай аудандық мемлекеттік банк бөлімшесінде жұмыс істегені туралы мәліметтің Абай аудандық мұрағатында сақталмағандықтан, осы жылдары осы мекемеде өзінің жұмыс істегені туралы заңдылық маңызы бар фактіні анықтап беруді және бұдан басқа өзінің 1976 жылдың қазан - 1977 жылдың шілде айларында Семей қаласында ауылшаруашылық мекемелерінің 1 жылдық дайындық курсінде оқып бітіргені туралы куәлігінде әкесінің атын Есеновна деп артық жазғандарын, сондықтан 14.07.1977 жылы Семей қаласында Жетписбаева Назипа Есеновнаға берілген № 694535 санды куәліктің өзіне тиесілі екендігі туралы заңдық маңызы бар фактіні анықтап беруді сұраған.