Шығыс Қазақстан облысы Аягөз аудандық сотының 2013 жылғы 26 наурыздағы № 1-55/2013 Қаулысы

Шығыс Қазақстан облысы Аягөз аудандық сотының 2013 жылғы 26 наурыздағы № 1-55/2013 Қаулысы

Аягөз қаласы

Аягөз аудандық соты құрамында төрағалық етуші судья - аудандық соттың төрағасы Б.Ш. Абылкасимов, хатшылықта А. Аргынбекова, мемлекеттік айыптаушы - Аягөз ауданы прокурорының көмекшісі Ғ. Баяхметбаев, сотталушының мүддесін қорғаушы - адвокат Қ. Бейсекеновтің қатысуымен ашық сот мәжілісінде сотталушы

Байсылбаев Берикказы Даниярович, 1986 жылы 23 қарашада Шығыс Қазақстан облысында дүниеге келген, қазақ, ҚР азаматы, білімі орта, жанұялы, жұмыссыз, ШҚО, Аягөз қаласы, Сатпаев көшесі, 6-үй, 1Б пәтерде тұрады, ҚР ҚІЖК-нің 157-бабы негізінде келу туралы міндеттеме алған, сотқа дейінгі жеңілдетілген өндіріс хаттамасының көшірмесін 2013 жылғы 2 наурызда алған, бұрын сотты болмаған, сотқа ҚР ҚК-нің 175-бабының 1-бөлігімен берілгені туралы қылмыстық істі қарап, АНЫҚТАДЫ:

Байсылбаев 2013 жылы 24 ақпан күні Аягөз қаласы, Дүйсенов көшесі, 93/3 мекенжайында орналасқан «Жаным» кафесінің ішіндегі кафе барының астында тұрған Нокия ұялы телефонын жасырын түрде ұрлап кеткен.

Арызданушы А.С. Исламбекованың сотта берген жауабына сәйкес, ұялы телефонды бір кафеге келуші ақшасы жетпеген соң, уақытша қалдырып кеткен. Телефон кафе барының астында тұрған. Телефонды ұрлау үшін барға кіру керек. Телефон арызданушынікі емес, залал басқа адамға келген.

Куә С. Шаватованың жауабына сәйкес, Байсылбаев телефонмен қоса кассадан ақша ұрлаған, сотталушының ұрлық жасап жатқанын өзі байқап қалғаннан кейін, Байсылбаев ақшаны қайтарып берген.

Сот жарыссөзі кезінде мемлекеттік айыптаушы Ғ. Баяхметбаев істі алдын ала тергеу тағайындау үшін прокурорға жолдауды сұрады.

Сотталушының қорғаушы - адвокат Қ. Бейсекенов мемлекеттік айыптаушының пікірін қолдады.