«Қылмыстық-құқықтық саладағы соттық нысанды есептерді және оларға қоса берілген Нұсқаулықты бекіту туралы» Қазақстан Республикасы Бас Прокурорының 2012 жылғы 12 қарашадағы № 135 бұйрығы (2014.30.06. берілген өзгерістер мен толықтырулармен) (күші жойылды)

Қылмыстық-құқықтық саладағы соттық нысанды есептерді және оларға қоса берілген Нұсқаулықты бекіту туралы
Қазақстан Республикасы Бас Прокурорының 2012 жылғы 12 қарашадағы № 135 бұйрығы

(2014.30.06. берілген өзгерістер мен толықтырулармен)

ҚР Бас прокурорының 2014 жылғы 21 қазандағы № 125 бұйрығымен 2015 ж. 1 қаңтарынан бастап күші жойылды 

Қылмыстық-құқықтық статистиканы жетілдіру мақсатында, «Қазақстан Республикасының сот жүйесі мен судьяларының мәртебесі туралы» Қазақстан Республикасының 2000 жылғы 25 желтоқсандағы № 132-ІІ Конституциялық Заңының 56 бабы 1-тармағын, «Прокуратура туралы» Қазақстан Республикасының 1995 жылғы 21 желтоқсандағы Заңының 11 бабы 4-1) тармақшасын басшылыққа ала отырып, БҰЙЫРАМЫН:

1. Бекітілсін:

1) мынадай есеп нысандары: осы бұйрықтың 1, 2, 3, 4, 5, 6 және 7 қосымшаларына сәйкес «Бірінші сатылы соттардың қылмыстық істерді қарауы бойынша жұмысы туралы» № 1; «Апелляциялық сатылы соттардың қылмыстық істерді қарауы бойынша жұмысы туралы» № 6; «Өлім жазасына және өмір бойы бас бостандығынан айыруға сотталған адамдар туралы істерді апелляциялық тәртіпте қарау туралы» № 6а; «Кассациалық сатылы соттардың қылмыстық істерді қарауы бойынша жұмысы туралы» № 6К; «Қылмыстық істерді қадағалау сатысында қарау бойынша соттардың жұмысы туралы» № 8; «Өлім жазасы және өмір бойы бас бостандығынан айыру жөніндегі істерді қадағалау тәртібінде қарау туралы» № 8а; «Соттардың жеке айыптау істері бойынша шағымдарды қарауы туралы» № 2-Ж есеп нысандары;

2) осы бұйрықтың 8-қосымшасына сәйкес «Бірінші, апелляциялық, кассациалық және қадағалау сатысындағы соттардың электрондық ақпараттық есепке алу құжаттары негізінде қылмыстық істерді қарау бойынша есептерді құру тәртібі туралы» Нұсқаулық.