«Қылмыстық iстi өндiрiске қабылдау және басты сот талқылауын тағайындау туралы» Шығыс Қазақстан облысы Аягөз аудандық сотының 2013 жылғы 1 наурыздағы № 1-52/2013 Қаулысы

Қылмыстық iстi өндiрiске қабылдау және басты сот талқылауын тағайындау туралы
Шығыс Қазақстан облысы Аягөз аудандық сотының 2013 жылғы 1 наурыздағы № 1-52/2013 Қаулысы

Аягөз қаласы

Шығыс Қазақстан облысы, Аягөз аудандық сотының судьясы Б.А.Оразбек, Аягөз ауданының прокуратурасынан түскен Ердембаев Есенгали Ескермесовичтың Қазақстан Республикасы Қылмыстық кодекстің 257-бабының 1-бөлігімен берілген медициналық сипаттағы мәжбүрлеу шараларын қолдану туралы қылмыстық iс құжаттарын қарап, АНЫҚТАДЫ:

Ердембаев Есенгали Ескермесовичтың Қазақстан Республикасы Қылмыстық кодекстің 257-бабының 1-бөлігімен берілген медициналық сипаттағы мәжбүрлеу шараларын қолдану туралы қылмыстық iс Аягөз аудандық сотының қарауына жатады.

Медициналық сипаттағы мәжбүрлеу шараларын қолдану туралы іс бойынша өндірісті қысқартуға немесе тоқтатуға ешқандай негіз жоқ.

Алдын ала тергеу кезінде Қазақстан Республикасы Қылмыстық іс жүргізу кодексінің талаптары сақталған.

Iстi медициналық сипаттағы мәжбүрлеу шараларын қолдану үшiн сотқа жiберу туралы қаулының көшiрмесi заңды өкiл С.Е.Ердембаеваға табыс етiлдi.

Ердембаев Есенгали Ескермесовичке бұлтартпау шарасы қолданбаған.

Мамандырылған психиатриялық көмек көрсететін арнаулы медициналық мекемеге орналыстыру ретіндегі белгіленген қауiпсiздiк шарасын өзгертуге немесе бұзуға негіз жоқ.