«Кыргыз Республикасынын Жогорку Сотунун административдик жана экономикалык иштер боюнча соттук коллегиясынын иши жөнүндө» Кыргыз Республикасынын Жогорку Сотунун Пленумунун 2013-жылдын 28-февралындагы № 7 токтому

Кыргыз Республикасынын Жогорку Сотунун административдик жана экономикалык иштер боюнча соттук коллегиясынын иши жөнүндө
Кыргыз Республикасынын Жогорку Сотунун Пленумунун 2013-жылдын 28-февралындагы № 7 токтому

Кыргыз Республикасынын Жогорку Сотунун төрагасынын орунбасары Б.К.Аманалиеванын Жогорку Соттун административдик жана экономикалык иштер боюнча соттук коллегиясынын, жергиликтүү соттордун административдик жана экономикалык иштерди кароо боюнча 2012-жылдагы иши жөнүндө баяндамасын угуп, талкуулап, Кыргыз Республикасынын Жогорку Сотунун Пленуму административдик жана экономикалык коллегия иштерди кароодо процесстик жана материалдык мыйзамды туура, бир түрдүү колдонулушун камсыз кылуу менен соттук тажрыйбаны калыптандыруу боюнча «Кыргыз Республикасынын Жогорку Соту жана жергиликтүү соттор жөнүндө» Кыргыз Республикасынын Мыйзамынын талабына ылайык иш алып барганын белгилейт.

Мындан тышкары, соттук коллегия жарандар менен юридикалык жактардын арыздарын, даттанууларын чечүү боюнча иштерди аткарып жатканын көрсөтөт.

Соттук коллегиянын судьялары мыйзамдардын долбоорлорун иштеп чыгууга катышкан, укуктук корутундуларды берген.

Соттук коллегия Кыргыз Республикасынын Жогорку Сотунун Бюллетенине айрым иштер боюнча кабыл алынган токтомдорду мезгил-мезгили менен жарыялоо менен, көйгөйлүү маселелер боюнча жергиликтүү соттор кетирген катачылыктар боюнча түшүндүрмөлөрдү берип турган.