Шығыс Қазақстан облысы Аягөз аудандық сотының 2013 жылғы 11 ақпандағы № 3-167/2013 Қаулысы

Шығыс Қазақстан облысы Аягөз аудандық сотының 2013 жылғы 11 ақпандағы № 3-167/2013 Қаулысы

Аягөз қаласы

ШҚО Аягөз аудандық сотының судьясы Б.А. Оразбек, Аягөз ауданы прокурорының көмекшісі А.Аткешованың қатысуымен, Аягөз ҚАIIБ-нен түскен азамат:

Калдыбаев Канат Мухтаровичтің, 21.01.1980 жылы Шығыс Қазақстан облысында туған, ұлты қазақ, жұмыс істемейді, жеке куәлiгi № 025962720, 2013 жылғы 4 қаңтарда ҚР ІІМ-мен берілген, СТН 182010038399, тұрағы: ШҚО, Аягөз ауданы, Ақтоғай кенті, Кузембаев көшесі, 46-үй, 2-пәтер, үстінен ҚР ӘҚБК-нің 330-бабының 1-бөлiгiмен қозғалған әкімшілік ісін қарап, АНЫҚТАҒАНЫ:

9 ақпан 2013 жылы сағат мөлшері 13.00 кезінде Аягөз ауданы, Ақтоғай кенті, Желтоқсан көшесі № 21 үйде орналасқан «Алина» дүкенінің ішінде, К.Калдыбаев, дүкен сатушысы А.Калибаеваға қоғамдық орында былапыт сөйлеп, қоғамға сыйламаушылық білдіріп, дөрекі мінезін көрсетіп, ар-намысына тиетiн былапыт сөздер айтқан.

Сотта К.Калдыбаев түсінігін қазақ тілінде беруді қалайтынын айтып, 9 ақпан 2013 жылы сағат мөлшері 13.00 кезінде Аягөз ауданы, Ақтоғай кенті, Желтоқсан көшесі № 21 үйде орналасқан «Алина» дүкенінің ішінде сатушы Калибаеваға мастықпен балағат сөздер айтқанын, қазiргi уақытта iстеген әрекетiне өкiнетiндiгiн, А.Калибаеваға келтiрiлген моральдық залалдың орнын кешiрiм сұрау арқылы ретке келтiргенiн көрсеттi.

Сот, ҚР ӘҚБК-нің 21-бабының 2-бөлігі негізінде іске қатысушы адамдардың ана тілінде мәлімдеме жасау, түсініктер мен айғактар беру, өтініштер жасау т.б. талап-тілектерін ескере отырып, істi құқық бұзушының ана тілі - қазақ тілінде жүргізуге ұйғарды.

Сотқа жәбiрленушi А.Калибаева құқық бұзушы К.Калдыбаевпен татуласқанын, оны кешіретінін айтып жауап берді.