«Жер учаскесінің нысаналы мақсатын өзгертуге шешім беру» мемлекеттік қызмет регламентi (Алматы облысы әкімдігінің 2012 жылғы 24 желтоқсандағы № 435 Қаулысымен бекітілген) (күші жойылды)

Алматы облысы әкімдігінің 2014 жылғы 2 маусымдағы № 196 Қаулысымен күші жойылды

Облысы әкімдігінің

2012 жылғы 29 желтоқсандағы

№ 435 қаулысымен бекітілген

«Жер учаскесінің нысаналы мақсатын өзгертуге шешім беру»
мемлекеттік қызмет регламентi

1. Негізгі ұғымдар

1. Осы регламентте мынадай ұғымдар пайдаланылады:

1) мемлекеттік қызметті алушы - жеке және заңды тұлға;

2) жергілікті атқарушы орган - облыстық, аудандық, қалалық әкімдіктері.

2. Жалпы ережелер

2. «Жер учаскесінің нысаналы мақсатын өзгертуге шешім беру» мемлекеттік қызметті (бұдан әрі - мемлекеттік қызмет) жер учаскесінің орналасқан жері бойынша жер қатынастары саласындағы функцияларды жүзеге асыратын, осы регламенттің 1-қосымшасында көрсетілген облыстардың (республикалық маңызы бар қаланың, астананың), ауданның (облыстық маңызы бар қаланың) жергілікті атқарушы органдары (бұдан әрі - жергілікті атқарушы орган) көрсетеді.

3. Көрсетілетін мемлекеттік қызмет нысаны: автоматтандырылмаған.

4. Мемлекеттік қызмет Қазақстан Республикасының 2003 жылғы 20 маусымдағы Жер кодексінің 49-1 және Қазақстан Республикасы Үкіметінің 2012 жылғы 01 қарашадағы «Жер қатынастары, геодезия және картография саласында Қазақстан Республикасының Жер ресурстарын басқару агенттігі мен жергілікті атқарушы органдар көрсететін мемлекеттік қызметтердің стандарттарын бекіту және «Жеке және заңды тұлғаларға көрсетілетін мемлекеттік қызметтердің тізілімін бекіту туралы» Қазақстан Республикасы Үкіметінің 2010 жылғы 20 шілдедегі № 745 қаулысына өзгерістер енгізу туралы» № 1392 қаулысы негізінде жүзеге асырылады (бұдан әрі - стандарт).

5. Мемлекеттік қызмет көрсету нәтижесі қағаз тасымалдағыштағы жер учаскесінің пайдалану мақсатын өзгертуге шешім беру (бұдан әрі - шешім) немесе себептерін көрсете отырып негізделген қызмет көрсетуден бас тарту туралы жазбаша жауап беру болып табылады.

Мемлекеттік қызмет жеке және заңды тұлғаларға (бұдан әрі - мемлекеттік қызметті алушы) көрсетіледі.

3. Мемлекеттік қызмет көрсету тәртібіне талаптар