«Дәрігердің қабылдауына жазылу» мемлекеттік қызмет регламенті (Павлодар облыстық әкімдігінің 2013 жылғы 27 наурыздағы № 91/3 Қаулысымен бекітілген) (күші жойылды)

Павлодар облысы әкімдігінің

2013 жылғы 27 наурыздағы

№ 91/3 қаулысымен

бекітілді

Павлодар облыстық әкімдігінің 2014 жылғы 6 мамырдағы № 149/5 Қаулысымен күші жойылды

«Дәрігердің қабылдауына жазылу»
мемлекеттік қызмет регламенті

1. Негізгі ұғымдар

1. Осы регламентте мынадай ұғымдар пайдаланады:

басқарма - «Павлодар облысының денсаулық сақтау басқармасы» мемлекеттік мекемесі;

уәкілетті ұйым - бастапқы медициналық-санитарлық көмек көрсететін медициналық ұйым;

алушы - мемлекеттік қызмет көрсетілетін жеке тұлға;

құрылымдық-функционалдық бірлік (бұдан әрі - Бірлік) - мемлекеттік қызмет көрсету үрдісіне қатысатын лауазымды тұлға.

2. Жалпы ережелер

2. «Дәрігердің қабылдауына жазылу» мемлекеттік қызмет (бұдан әрі - мемлекеттік қызмет) уәкілетті ұйыммен көрсетіледі.

3. Электронды емес форматта көрсетілетін мемлекеттік қызмет нысаны - автоматтандырылмаған.

4. Мемлекеттік қызмет көрсету Қазақстан Республикасының 2009 жылғы 18 қыркүйектегі «Халық денсаулығы мен денсаулық сақтау жүйесі туралы» кодексі, Қазақстан Республикасы Үкіметінің 2011 жылғы 1 қарашадағы «Бастапқы медициналық-санитариялық көмек көрсету қағидаларын және азаматтарды бастапқы медициналық-санитариялық көмек ұйымдарына бекіту қағидаларын бекіту туралы» № 1263 қаулысы, Қазақстан Республикасы Үкіметінің 2012 жылғы 12 қазандағы «Денсаулық сақтау саласындағы мемлекеттік қызметтер стандарттарын бекіту туралы» № 1294 қаулысымен бекітілген «Дәрігердің қабылдауына жазылу» мемлекеттік қызмет стандарты негізінде (бұдан әрі - Стандарт) ұсынылады.

5. Көрсетілетін мемлекеттік қызметтің нәтижелері:

1) тікелей жүгінген кезде немесе телефон байланысы арқылы - уәкілетті ұйымның дәрігерінің қабылдауына алдын-ала жазылу журналына жазу және дәрігерлердің қабылдау кестесіне (бұдан әрі - кесте) сәйкес дәрігердің қабылдау күнін, уақытын көрсете отырып, ауызша жауап беру;

2) мемлекеттік қызметті көрсетуден бас тарту туралы дәлелді жауап болып табылады.