«Жергілікті қоғамдастық жиналысын (жиынын) өткізу және шешімдер қабылдау тәртібін айқындау туралы» Алматы облысы мәслихатының 2013 жылғы 18 сәуірдегі № 16-108 шешімі (күші жойылды)

Жергілікті қоғамдастық жиналысын (жиынын) өткізу және шешімдер қабылдау тәртібін айқындау туралы
Алматы облысы мәслихатының 2013 жылғы 18 сәуірдегі № 16-108 шешімі

Алматы облысы мәслихатының 2014 жылғы 14 ақпандағы № 28-172 шешімімен күші жойылды

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 39-3 бабының 2-тармағына сәйкес Алматы облыстық мәслихаты ШЕШІМ ҚАБЫЛДАДЫ:

1. Жергілікті қоғамдастық жиналысын (жиынын) өткізу және шешімдер қабылдау тәртібі осы шешімнің қосымшасына сәйкес айқындалсын.

2. Осы шешім әділет органдарында мемлекеттік тіркелген күннен бастап күшіне енеді және алғаш ресми жарияланғаннан кейін күнтізбелік он күн өткен соң қолданысқа енгізіледі.

Алматы облыстық

мәслихатының 2013 жылғы

18 сәуірдегі № 16-108

шешіміне қосымша

Жергілікті қоғамдастық жиналысын (жиынын) өткізу және шешімдер қабылдау

тәртібі

1. Жалпы ережелер

1.1. Осы жергілікті қоғамдастық жиналысын (жиынын) өткізу және шешімдер қабылдау тәртібі (бұдан әрі - Тәртіп) Қазақстан Республикасының Конституциясына, Қазақстан Республикасының «Қазақстан Республикасындағы жергілікті мемлекеттік басқару және өзін өзі басқару туралы» 2001 жылғы 23 қаңтардағы № 148 Заңына, Қазақстан Республикасының «Қазақстан Республикасында бейбіт жиналыстар, митингілер, шерулер, пикеттер және демонстрациялар ұйымдастыру мен өткізу тәртібі туралы» 1995 жылғы 17 наурыздағы № 2126 Заңына сәйкес әзірленді және жергілікті қоғамдастық жиналысын (жиынын) өткізу және жергілікті қоғамдастық жиналысымен (жиынымен) шешімдер қабылдау тәртібін айқындайды.

1.2. Осы Тәртіпте пайдаланылатын негізгі ұғымдар: