«Мемлекеттік тұрғын үй қорынан тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж азаматтарды есепке қою және олардың кезегі» электрондық мемлекеттік қызмет көрсету регламенті (Қызылорда облысы әкімдігінің 2012 жылғы 29 желтоқсандағы № 722 Қаулысына 13-қосымша) (күші жойылды)

Қызылорда облысы әкімдігінің 2013 жылғы 30 мамырдағы № 150 Қаулысымен күші жойылды

Қызылорда облысы әкімдігінің

2012 жылғы 29 желтоқсандағы

№ 722 қаулысына 13-қосымша

«Мемлекеттік тұрғын үй қорынан тұрғын үйге немесе жеке тұрғын үй қорынан жергілікті атқарушы
орган жалдаған тұрғын үйге мұқтаж азаматтарды есепке қою және олардың кезегі»
электрондық мемлекеттік қызмет көрсету регламенті

1. Жалпы ережелер

1. «Мемлекеттік тұрғын үй қорынан тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж азаматтарды есепке қою және олардың кезегі» электрондық мемлекеттік қызметі (бұдан әрі - қызмет) облыстық маңызы бар қаланың және аудандардың тұрғын үй-коммуналдық шаруашылығы, жолаушылар көлігі және автомобиль жолдары бөлімдерімен (бұдан әрі - қызмет беруші), сондай-ақ, халыққа қызмет көрсету орталықтарымен және мемлекеттік қызметті алушыда электрондық цифрлық қолтаңба болған жағдайда «электрондық үкіметтің» www.e.gov.kz веб-порталы арқылы көрсетіледі.

2. Қызмет Қазақстан Республикасы Үкіметінің 2010 жылғы 8 ақпандағы № 76 қаулысымен бекітілген «Мемлекеттік тұрғын үй қорынан тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж азаматтарды есепке қою және олардың кезегі» мемлекеттік қызмет стандарты (бұдан әрі - стандарт) негізінде көрсетіледі.

3. Қызметтің автоматтандырылу дәрежесі: ішінара автоматтандырылған (қызмет көрсету үдерісінде қағаз және электрондық құжат айналымы кезегінен тұратын электрондық мемлекеттік қызмет).

4. Қызмет көрсету түрі: транзакциялық.

5. Қызмет стандарттың 8-тармағына сәйкес тегін көрсетіледі.

6. Қызметті көрсету мерзімдері стандарттың 7 және 9-тармақтарында көрсетілген.