«Астық қолхаттарын бере отырып, қойма қызметі бойынша қызметтер көрсетуге лицензияны беру, қайта ресімдеу, лицензияның телнұсқасын беру» электрондық мемлекеттік қызмет регламенті (Солтүстік Қазақстан облысы әкімдігінің 2012 жылғы 20 қарашадағы № 328 Қаулысымен бекітілген) (күші жойылды)

Солтүстік Қазақстан облысы әкімдігінің 2013 жылғы 27 мамырдағы № 168 Қаулысымен күші жойылды

Солтүстік Қазақстан облысы

әкімдігінің 2012 жылғы

20 қарашадағы № 328 қаулысымен

бекітілген

«Астық қолхаттарын бере отырып, қойма қызметі бойынша қызметтер көрсетуге
лицензияны беру, қайта ресімдеу, лицензияның телнұсқасын беру»
электрондық мемлекеттік қызмет регламенті

1. Жалпы ережелер

1. Электрондық мемлекеттік қызмет «Солтүстік Қазақстан облысының ауыл шаруашылығы басқармасы» мемлекеттік мекемесімен ауыл шаруашылығы саласында уәкілетті жергілікті атқарушы органымен (бұдан әрі - қызмет беруші) мына орналасқан мекенжай бойынша жүзеге асырылады: 150011, Солтүстік Қазақстан облысы, Петропавл қаласы, Парковая көшесі, 57 в, сондай-ақ, www.е.gov.kz «электрондық үкімет» веб-порталы немесе www.elicense.kz «Е-лицензиялау» веб-порталы арқылы көрсетіледі.

2. Электрондық мемлекеттік қызмет «Ауыл шаруашылығы саласында мемлекеттік қызметтер стандарттарын бекіту туралы және «Жеке және заңды тұлғаларға көрсетілетін мемлекеттік қызметтердің тізілімін бекіту туралы» Қазақстан Республикасы Үкіметінің 2010 жылғы 20 шілдедегі № 745 қаулысына өзгерістер енгізу туралы» (бұдан әрі - Стандарт) Қазақстан Республикасы Үкіметінің 2012 жылғы 31 тамыздағы № 1108 қаулысымен бекітілген «Астық қолхаттарын бере отырып, қойма қызметі бойынша қызметтер көрсетуге лицензияны беру, қайта ресімдеу, лицензияның телнұсқасын беру» (бұдан әрі - қызмет) мемлекеттік қызмет стандартының негізінде көрсетіледі.

3. Қызметті автоматтандыру дәрежесі: ішінара автоматтандырылған.

4. Қызмет көрсетудің түрі: транзакциялық.

5. Осы Регламентте пайдаланылатын ұғымдар мен қысқартулар:

1) ақпараттық жүйе - аппараттық-бағдарламалық кешенді қолданумен ақпаратты сақтау, өңдеу, іздеу, тарату, тапсыру және беру үшін арналған жүйе (бұдан әрі - АЖ);

2) бизнес-сәйкестендіру нөмірі - бірлескен кәсіпкерлік түрінде қызметтерді жүзеге асыратын заңды тұлға (филиал және өкілдік) және жеке кәсіпкер үшін қалыптастырылатын бірегей нөмір (бұдан әрі - БСН);