«Сәулет-жоспарлау тапсырмасын беру» мемлекеттік қызмет регламенті (Астана қаласы әкімдігінің 2013 жылғы 23 сәуірдегі № 120-628 Қаулысына 2-қосымша) (күші жойылды)

Астана қаласы әкімдігінің 2014 жылғы 29 тамыздағы № 06-1451 Қаулысымен күші жойылды

Астана қаласы әкімдігінің

2013 жылғы 23 сәуірдегі

№ 120-628 қаулысына

2-қосымша

«Сәулет-жоспарлау тапсырмасын беру»

мемлекеттік қызмет регламенті

1. Негізгі ұғымдар

1. Осы Регламентте мынадай негізгі ұғымдар қолданылады:

1) ҚФБ - құрылымдық-функционалдық бірліктер - уәкілетті органдардың жауапты тұлғалары, мемлекеттік органдардың құрылымдық бөлімшелері, мемлекеттік органдар, ақпараттық жүйелер немесе олардың қосалқы жүйелері;

2) сәулет-жоспарлау тапсырмасы - объектінің мақсатына, негізгі өлшемдеріне және оны нақты жер учаскесіне (алаңға, трассаға) орналастыруға қойылатын талаптар кешені, сондай-ақ осы елді мекен үшін қала құрылысының регламенттеріне сәйкес белгіленетін, жобалау мен құрылысқа қойылатын міндетті талаптар, шарттар мен шектеулер. Бұл ретте, түсі жөніндегі шешім мен үйлердің (ғимараттардың) қасбеттерін әрлеу материалдарын пайдалану, көлемдік-кеңістіктегі шешім бойынша талаптар белгілеуге жол берілмейді;

3)ХҚКО АЖ - Халыққа қызмет көрсету орталықтарына арналған ақпараттық жүйе.

2. Жалпы ережелер

2. Осы «Сәулет-жоспарлау тапсырмасын беру» мемлекеттік қызмет регламенті (бұдан әрі - Регламент) «Сәулет-жоспарлау тапсырмасын беру» мемлекеттік қызмет стандартының сақталуын қамтамасыз етуге қойылатын талаптарды белгілейді.

3. Мемлекеттік қызметті Астана қаласы, М. Әуезов көшесі, № 6 үй, № 17 терезе мекенжайында (байланыс мәліметтері осы Регламентке 1-қосымшада көрсетілген) орналасқан «Астана қаласының Сәулет және қала құрылысы басқармасы» мемлекеттік мекемесі көрсетеді. Мемлекеттік қызметбаламалы негізде осы Регламентке 2-қосымшаға сәйкес көрсетілген мекенжайда халыққа қызмет көрсету орталықтары (бұдан әрі - ХҚКО) арқылы көрсетіледі.

4. Көрсетілетін Мемлекеттік қызметтің нысаны: автоматтандырылмаған.