«Облыстық және аудандық маңызы баржалпы пайдаланымдағы, сондай-ақ елді мекендердегі автомобиль жолдарының жолақ бөлігінде сыртқы (көрнекі) жарнама орналастыруға рұқсат беру» мемлекеттік қызмет регламенті (Астана қаласы әкімдігінің 2013 жылғы 23 сәуірдегі № 120-628 Қаулысына 3-қосымша) (күші жойылды)

Астана қаласы әкімдігінің 2014 жылғы 29 тамыздағы № 06-1451 Қаулысымен күші жойылды

Астана қаласы әкімдігінің

2013 жылғы 23 сәуірдегі

№ 120-628 қаулысына

3-қосымша

«Облыстық және аудандық маңызы баржалпы пайдаланымдағы, сондай-ақ елді мекендердегі автомобиль
жолдарының жолақ бөлігінде сыртқы (көрнекі) жарнама орналастыруға рұқсат беру»
мемлекеттік қызмет регламенті

1. Негізгі ұғымдар

1.Осы Регламентте мынадай негізгі ұғымдар қолданылады:

1) жарнама - адамдардың беймәлім тобына арналған және жеке немесе заңды тұлғаларға, тауарларға, тауар белгілеріне, жұмыстарға, көрсетілетін қызметтерге қызығушылықты қалыптастыруға немесе қолдауға арналған және оларды өткізуге жәрдемдесетін кез келген нысанда, кез келген құралдардың көмегімен таратылатын және орналастырылатын ақпарат;

2) сыртқы (көрнекі) жарнама - жылжымалы және жылжымайтын объектілерде орналастырылған, сондай-ақ жалпы пайдаланымдағы автомобиль жолдарының жолақ бөлігінде және елді мекендердегі үй-жайлардың шегінен тыс ашық кеңістікте орналастырылған жарнама;

3) жарнама беруші - жарнама жасау, тарату және орналастыру үшін жарнамалық ақпарат көзі болып табылатын жеке немесе заңды тұлға;

4) жарнама жасаушы - жарнамалық ақпаратты тарату және орналастыру үшін дайын нысанға келтіруді жүзеге асыратын жеке немесе заңды тұлға;

5) жарнама таратушы - мүлікті, соның ішінде радио және (немесе) теледидар хабарларын таратудың техникалық құралдарын беру және (немесе) пайдалану жолымен және өзге де тәсілдермен жарнамалық ақпаратты тарату мен орналастыруды жүзеге асыратын жеке немесе заңды тұлға;

6) елді мекен - азаматтардың шаруашылық және өзге де қоғамдық қызметтері нәтижесінде қалыптасқан республиканың аумағында жинақы қоныстанған, кемінде 50 адам саны бар, заңнамамен белгіленген тәртіпте есепке алынған және тіркелген әрі жергілікті өкілді және атқарушы органдар басқаратын бөлік;

7) жергілікті атқарушы орган - облыстың (республикалық маңызы бар қаланың, астананың) жергілікті атқарушы органы.