«Жолаушыларды тасымалдау кезінде магистральдық темір жол желісінің реттеліп көрсетілетін қызметтерінің тарифіне уақытша төмендету коэффициентін бекіту туралы» Қазақстан Республикасы Табиғи монополияларды реттеу агенттігі төрағасының 2013 жылғы 4 сәуірдегі № 100-НҚ бұйрығы

Жолаушыларды тасымалдау кезінде магистральдық темір жол желісінің реттеліп көрсетілетін қызметтерінің тарифіне уақытша төмендету коэффициентін бекіту туралы
Қазақстан Республикасы Табиғи монополияларды реттеу агенттігі төрағасының 2013 жылғы 4 сәуірдегі № 100-НҚ бұйрығы

«Табиғи монополиялар және реттелетін нарықтар туралы» 1998 жылғы 9 шілдедегі Қазақстан Республикасы Заңының 15-бабы 1-тармағының 3) тармақшасына, Қазақстан Республикасы Үкіметінің 2007 жылғы 12 қазандағы № 943 қаулысымен бекітілген Қазақстан Республикасы Табиғи монополияларды реттеу агенттігі туралы ереженің 21-тармағының 7) тармақшасына және Қазақстан Республикасы Табиғи монополияларды реттеу және бәсекелестікті қорғау жөніндегі агенттігі төрағасының міндетін атқарушының 2004 жылғы 8 қыркүйектегі № 375-НҚ бұйрығымен бекітілген Магистральдық темір жол желісінің және концессия шарттары бойынша темір жол көлігінің объектілері бар темір жолдардың реттеліп көрсетілетін қызметтерінің тарифтеріне (бағаларына, алым ставкаларына) уақытша төмендету коэффициенттерін бекіту ережесінің 18-тармағына сәйкес және Қазақстан Республикасы Табиғи монополияларды реттеу агенттігі басқармасының 2013 жылғы 3 сәуірдегі № 13 қаулысының негізінде БҰЙЫРАМЫН:

1. Осы бұйрыққа 1-қосымшаға сәйкес «Түрксиб Астана» жауапкершілігі шектеулі серіктестігі үшін магистральдық темір жол желісі операторының алдында берешегі болмаған кезде немесе оны өтеу кестесіне сәйкес өтеген жағдайда әлеуметтік маңызы бар бағыттар бойынша жолаушыларды тасымалдау кезінде магистральдық темір жол желісінің реттеліп көрсетілетін қызметтерінің тарифіне уақытша төмендету коэффициенті бекітілсін.