Қазақстан Республикасының Үкіметі мен Түрiк Республикасының Үкіметі арасындағы ғылым мен техника саласындағы ынтымақтастық туралы келiсiм (Анкара қ., 1997 жылғы 4 наурызда)

Қазақстан Республикасының Үкіметі мен Түрiк Республикасының Үкіметі
арасындағы ғылым мен техника саласындағы ынтымақтастық туралы
 келiсiм
(Анкара қ., 1997 жылғы 4 наурызда)

ҚР Үкіметінiң 1997 жылғы 30 мамырдағы № 904 Қаулысымен бекітілді

1997 ж. 9 маусымда күшіне енді

Бұдан әрi қарай «Уағдаласушы Тараптар» деп аталатын Қазақстан Республикасының Үкіметі мен Түрiк Республикасының Үкіметі

ғылымды дамытуда өзара мүдделiлiкке негiзделген екi жақты ғылым мен техникалық ынтымақтастықты дамыту және нығайту мақсатында,

ғылыми-техникалық ынтымақтастық екi елдiң достық байланыстарын нығайтудың негiзгi жолдарының бiрi және маңызды факторы деп есептей отырып,

теңдiк, өзара тиiмдiлiк, халықаралық құқық принциптерiне

негiзделген, өзара және технологиялық байланыстарды дамыту үшiн

құқықтық негiз бен қолайлы жағдайлар жасау тiлегiн бiлдiре отырып,

төмендегiлер жөнiнде келiстi:

1-бап

Уағдаласушы Тараптар өзара тиiмдi екi жақты ғылыми және техникалық байланыстарды орнату мен дамытуға белсендi жәрдемдеседi.

2-бап

Уағдаласушы Тараптар екi елдiң тиiстi ғылыми мекемелерi арқылы жүзеге асырылатын ғылым мен техниканың басым бағыттары бойынша ынтымақтастықты жүзеге асыратын болады.

3-бап

Осы Келісім шеңберіндегі ынтымақтастық мына нысандарда жүзеге асрылады:

- бiрлескен ғылыми-зерттеу және техникалық жобаларды келiстiрiлген жұмыс жоспарлары, келісімдерi және контракттарына сәйкес орындау;

- ғалымдар мен мамандардың өзара зерттеу жұмыстары үшiн iс-сапарлары;

- өзара негiзде ғылыми мамандар және сарапшылар алмасулар;

- аспиранттар және стажерлер алмасулар;

- бiрлескен ғылыми конференциялар, симпозиумдар және жұмыс семинарларын ұйымдастыру;

- өзара тиiмдi ғылыми және техникалық ақпарат пен құжаттар алмасу.

Осы Келісім негiзiнде бiрлескен ғылыми-техникалық орталықтар мен ғылыми-зерттеу объектiлерiн құру;

- екi елдiң технологиялық жетiстiктерiн жәрдемдесу үшiн бiрлескен көрмелер мен экспозициялар ұйымдастыру және қолдау көрсету;

- бiрлескен ғылыми еңбектер әзiрлеу және жариялау;

- үшiншi елдердiң ғылыми ұйымдарымен байланыстарға қол ұшын беру.

4-бап

Ноу-хауды қоса алғанда, ғылыми және зерттеу жұмыстары, ғылыми зерттеулер нәтижесiмен, білім, тәжiрибе және ақпарат, алмасу осы мақсаттарда жасалатын арнайы келісімдерге сәйкес жүзеге асырылады.

5-бап

Сарапшылар және ғалымдар делегацияларымен өзара алмасу кезiнде, олардың болуына кететiн шығындарды қабылдаушы Тарап көтередi. Жолдың екi басының көлiк шығындарын жiберушi Тарап төлейдi. Күтпеген жағдайлар бола қалса, сарапшылар немесе ғалымдарды дәрiгерлiк емдеу құнын қабылдаушы Тарап төлейтiн болады.

6-бап

Бiрлескен зерттеулердiң нәтижелерiн коммерциялық мақсатта пайдалану, тек қана арнаулы Келісімдерге сәйкес жүзеге асырылуы қажет.

7-бап

Қазақстан Республикасының Ғылым министрлігі - Ғылым академиясы және Түрiк Республикасының ғылым мен техника жөніндегі кеңесi (TUBITAK), Түрiк Республикасының ғылым Акадмиясы (TUBA) осы Келісімнiң жүзеге асырылуын қамтамасыз ететiн Уағдаласушы Тараптардың атқарушы органдары болып табылады.

8-бап

Уағдаласушы Тараптар әрбiр жақтың өздерi тағайындаған өкiлдерiнен тұратын ғылыми және техникалық ынтымақтастық жөніндегі Бiрлескен комиссия құрады, олар:

өзара мүдделiлiкке сәйкес бағдарламаларды орындайды және оларды жүзеге асыруға жауапкершiлiктi алады;

орындаушы - ұйымдар арасындағы тiкелей байланыстардың дамытуын үйлестiредi және жәрдемдеседi.

Бiрлескен Комиссия өз мәжілістерiн екi жылда бiр рет кезекпен екi мемлекет астаналарында өткiзедi.

9-бап

Осы Келісім шеңберіндегі барлық iс-қимыл (iс-әрекет) Уағдаласушы Тараптар мемлекеттерiнiң қызмет қолданыстағы заңдары мен нормативтi актілеріне сәйкес жүзеге асырылады.

10-бап

Осы Келісімдi түсiндiруге және қолдануға байланысты пiкiр алшақтықтар Уағдаласушы Тараптар арасындағы консультациялар жолымен шешiлетiн.

Осы Келісім Уағдаласушы Тараптардың өзара келiсуiмен толықтырылуы және өзгертiлуi мүмкiн.

11-бап

Осы Келісім Уағдаласушы Тараптардың қолданылып жүрген заңдарында көзделген iшкi мемлекеттік процедуралары орындалғаннан кейiн және бұл туралы Уағдаласушы Тараптарға хабарланғаннан кейiн күшiне енедi.

12-бап

Осы Келісім бес жылғы мерзiмге жасалады және егер Уағдаласушы Тараптардың ешқайсысы осы Келісімнiң қолданыс мерзiмi бiткенге дейiн кемiнде алты ай бұрын оның қолданысын өзiнiң тоқтатқысы келетiнi туралы жазбаша мәлiмдесе, келесi бiр жылға өздiгiнен ұзартылады.

Осы Келісімнiң мерзiмi аяқталғаннан кейiн Уағдаласушы Тараптар осы Келісім қолданыста болған кезiнде қабылданған жобаларды жалғастыруға және аяқтауға құқық бередi.

Анкара қаласында 1997 жылғы 4 наурызда екi данада әрқайсысы қазақ және түрiк тiлдерiнде жасалды, сондай-ақ барлық мәтiндердiң күшi бiрдей.