Оралмандар мен олардың отбасы мүшелеріне Бейімдеу және ықпалдастыру орталығында бейімдеу және ықпалдастыру қызметтерін көрсету қағидалары (Қазақстан Республикасы Еңбек және халықты әлеуметтік қорғау министрінің 2013 жылғы 22 шілдедегі № 331-ө-м бұйрығына 2-қосымша) (2021.16.03. берілген өзгерістер мен толықтырулармен)

Қазақстан Республикасы

Еңбек және халықты әлеуметтік қорғау министрінің

2013 жылғы 22 шілдедегі

№ 331-ө-м бұйрығына

2-қосымша

ҚР Еңбек және халықты әлеуметтік қорғау министрінің 2021.16.03. № 78 бұйрығымен қағида жаңа редакцияда (бұр.ред.қара)

Қандастар мен олардың отбасы мүшелеріне Бейімдеу және ықпалдастыру орталығында бейімдеу және ықпалдастыру қызметтерін көрсету

қағидалары

(2021.16.03. берілген өзгерістермен)

1-тарау. Жалпы ережелер

1. Осы Қандастар мен олардың отбасы мүшелерінің қандастарды бейімдеу және ықпалдастыру қызметтерін көрсету қағидалары (бұдан әрі - Қағидалар) «Халықтың көші-қоны туралы» Қазақстан Республикасы Заңының (бұдан әрі - Заң) 24-бабы 2-тармағына сәйкес әзірленді және қандастарды бейімдеу және ықпалдастыру орталықтарында (бұдан әрі - Орталық) қандастарға және олардың отбасы мүшелеріне бейімдеу және ықпалдастыру қызметтерін көрсету тәртібін айқындайды.

2. Осы Қағидаларда мынадай негізгі ұғымдар пайдаланылады:

1) бейімдеу және ықпалдастыру қызметтері - қандастар мен олардың отбасы мүшелеріне қоғамға бейімдеу және ықпалдастыру мақсатында көрсетілетін қызметтер (ақпараттық, заңдық, әлеуметтік, медициналық және білім беру) кешені;