«Мәслихаттың 2012 жылғы 7 желтоқсандағы № 101 «Қостанай облысының 2013-2015 жылдарға арналған облыстық бюджеті туралы» шешіміне өзгерістер енгізу туралы» Қостанай облысы мәслихатының 2013 жылғы 9 қазандағы № 200 шешімі (күші жойылды)

Мәслихаттың 2012 жылғы 7 желтоқсандағы № 101 «Қостанай облысының 2013-2015 жылдарға арналған облыстық бюджеті туралы» шешіміне өзгерістер енгізу туралы
Қостанай облысы мәслихатының 2013 жылғы 9 қазандағы № 200 шешімі

Қабылдау мерзімінің бітуіне байланысты Қостанай облысы мәслихатының 2014 жылғы 22 қаңтардағы № 21 Хатымен күші жойылды

Қазақстан Республикасының 2008 жылғы 4 желтоқсандағы Бюджет кодексінің 106-бабына сәйкес Қостанай облыстық мәслихаты ШЕШТІ:

1. Мәслихаттың 2012 жылғы 7 желтоқсандағы № 101 «Қостанай облысының 2013-2015 жылдарға арналған облыстық бюджеті туралы» шешіміне (Нормативтік құқықтық актілерді мемлекеттік тіркеу тізілімінде № 3930 тіркелген, 2012 жылғы 22 желтоқсанда «Костанайские новости» газетінде жарияланған) мынадай өзгерістер енгізілсін:

көрсетілген шешімнің 1-тармағы жаңа редакцияда жазылсын:

«1. Қостанай облысының 2013-2015 жылдарға арналған бюджеті тиісінше 1, 2 және 3-қосымшаларға сәйкес, оның ішінде 2013 жылға мынадай көлемдерде бекітілсін:

1) кірістер - 107192098,7 мың теңге, оның ішінде:

салықтық түсімдер бойынша - 5188088,1 мың теңге;

салықтық емес түсімдер бойынша - 930735,1 мың теңге;

негізгі капиталды сатудан түсетін түсімдер бойынша - 9055,3 мың теңге;

трансферттер түсімі бойынша - 101064220,2 мың теңге;

2) шығындар - 107334761,9 мың теңге;

3) таза бюджеттік кредиттеу - 1866663,1 мың теңге, оның ішінде:

бюджеттік кредиттер - 2401581,0 мың теңге;

бюджеттік кредиттерді өтеу - 534917,9 мың теңге;

4) қаржы активтерімен операциялар бойынша сальдо - 211256,8 мың теңге, оның ішінде:

қаржы активтерін сатып алу - 212015,0 мың теңге;

5) бюджет тапшылығы (профициті) - - 2220583,1 мың теңге;

6) бюджет тапшылығын қаржыландыру (профицитін пайдалану) - 2220583,1 мың теңге.»;

көрсетілген шешімнің 4-1-тармағы жаңа редакцияда жазылсын:

«4-1. 2013 жылға арналған облыстық бюджетте мынадай мөлшерлерде нысаналы трансферттерді қайтару қарастырылғаны ескерілсін:

республикалық бюджетке 215033,0 мың теңге сомасында, оның ішінде облыстық бюджеттен 64579,7 мың теңге сомасында және аудандар мен қалалар бюджеттерінен 150453,3 мың теңге сомасында;