«Қазақстан Республикасы ішкі істер органдары жол-патрульдік және патрульдік полициясыныңсаптық бөліністері қызметкерлерінің кеуде белгілері туралы ережені бекіту туралы» Қазақстан Республикасы Ішкі істер министрінің 2013 жылғы 31 қазандағы № 630 бұйрығы

Қазақстан Республикасы ішкі істер органдары жол-патрульдік және патрульдік полициясының саптық бөліністері қызметкерлерінің кеуде белгілері туралы ережені бекіту туралы
Қазақстан Республикасы Ішкі істер министрінің 2013 жылғы 31 қазандағы № 630 бұйрығы

Қазақстан Республикасы ішкі істер органдары жол-патрульдік және патрульдік полициясының саптық бөліністерінің қызметін одан әрі жетілдіру, заңдылықты және қызметтік тәртіпті мүлтіксіз сақтау үшін полиция қызметкерлерінің жеке жауапкершіліктерін арттыру мақсатында БҰЙЫРАМЫН:

1. Қоса беріліп отырған Қазақстан Республикасы ішкі істер органдары жол-патрульдік және патрульдік полициясының саптық бөліністері қызметкерлерінің кеуде белгілері туралы ереже бекітілсін.

2. Астана, Алматы қалаларының, облыстардың және Көліктегі ІІД бастықтары:

1) Қазақстан Республикасының заңнамасына сәйкес кеуде белгілерін дайындауды және сатып алуды ұйымдастырсын;

2) ішкі істер органдары жол-патрульдік және патрульдік полициясының саптық бөліністерін кеуде белгілерімен қамтамасыз етуді ұйымдастырсын;

3) кеуде белгілерін дайындау кезінде сапаны бақылауды қамтамасыз етсін және есепке алынбаған даналар өндірісінің мүмкіндігін болдырмасын;

4) кеуде белгілерін беруді және есепке алуды ұйымдастырсын, кеуде белгілерін бекітуді және олардың сақталуын бақылауды қамтамасыз етсін;

5) кеуде белгілері жоғалған жағдайда қызметтік тергеу жүргізуді ұйымдастырсын.

3. «Қазақстан Республикасы ІІМ Жол полициясы қызметкерлері үшін кеуде айрықша белгілерді енгізу туралы» Қазақстан Республикасы Ішкі істер министрінің 2004 жылғы 3 мамырдағы № 253 бұйрығының күші жойылсын.

4. Осы бұйрықтың орындалуын бақылау Ішкі істер министрінің орынбасары полиция генерал-майоры Е.З. Тургумбаевқа және Әкімшілік полиция комитетіне (И.В. Лепеха) жүктелсін.

5. Осы бұйрық қол қойылған күнінен бастап қолданысқа енгізіледі.

Қазақстан Республикасы

Ішкі істер министрінің

2013 жылғы 31 қазандағы

№ 630 бұйрығымен бекітілген

Қазақстан Республикасы ішкі істер органдарының жол-патрульдік және патрульдік полициясының саптық бөліністері қызметкерлерінің кеуде белгілері туралы

ереже