«Қазақстан Республикасы мемлекеттік почта төлемі белгілерін почта айналымына енгізу туралы» Қазақстан Республикасы Көлік және коммуникация министрінің 2013 жылғы 28 желтоқсандағы № 1051 бұйрығы (2015.23.06. берілген өзгерістермен)

Қазақстан Республикасы мемлекеттік почта төлемі белгілерін почта айналымына енгізу туралы
Қазақстан Республикасы Көлік және коммуникация министрінің 2013 жылғы 28 желтоқсандағы № 1051 бұйрығы

(2015.23.06. берілген өзгерістермен)

«Почта туралы» Қазақстан Республикасы 2003 жылғы 8 ақпандағы Заңының 8-бабының 2-тармағының 8) және 9) тармақшаларына, «Қазақстан Республикасының мемлекеттік почта төлемі белгілерін шығарудың 2013 жылға арналған тақырыптық жоспарын бекіту туралы» Қазақстан Республикасы Көлік және коммуникация министрінің міндетін атқарушысының бұйрығымен бекітілген 2013 жылға арналған Қазақстан Республикасы мемлекеттік почта төлемінің белгілері шығарылымының Тақырыптық жоспарының 2.9.1, 2.12.1, 3.1, 3,2-тармақтарына сәйкес БҰЙЫРАМЫН:

ҚР Инвестициялар және даму министрлігінің Байланыс, ақпараттандыру және ақпарат комитеті Төрағасының м.а. 2015.23.06. № 166 бұйрығымен 1-тармақ өзгертілді (бұр.ред.қара)

1. Қазақстан Республикасының аумағы бойынша почта айналымына мынадай мемлекеттік почта төлемінің белгісі енгізілсін:

1) «Киіз үй бұйымдары» тақырыбындағы «Қолданбалы өнер» сериясының үш маркадан тұратын почта блогы.

Блоктағы почта марканың номиналы 200 (екі жүз) теңге, блоктың таралымы 30 000 (отыз мың) дана, маркалардың жалпы таралымы 90 000 (тоқсан мың) дана, төрт бояулы офсетті баспа, перфорациясы жиектемелі, блоктың өлшемі 132 х 110 мм., блоктағы маркалардың өлшемі 33 х 55 мм., блоктағы марка саны - үш марка. Почта блогы «Қазақстан Республикасы Ұлттық Банкінің Банкнот Фабрикасы» Республикалық мемлекеттік кәсіпорнында басып шығарылды. Суретші - П. Сидоренко, дизайн - Қ. Ыбырайшин. Почта айналымына енгізу күні 2014 жылғы 15 қаңтар;

2) «Ұлттық байланыстың тарихы» тақырыбындағы «Байланыс саласындағы өңірлік достастық» сериясының бір маркадан тұратын почта блогы.