«Қостанай облысының агроөнеркәсіптік кешені саласында инновациялық жобаларды іріктеуді ұйымдастыру қағидаларын бекіту туралы» Қостанай облысы әкімдігінің 2013 жылғы 11 желтоқсандағы № 547 Қаулысы

Қостанай облысының агроөнеркәсіптік кешені саласында инновациялық жобаларды іріктеуді ұйымдастыру қағидаларын бекіту туралы
Қостанай облысы әкімдігінің 2013 жылғы 11 желтоқсандағы № 547 Қаулысы

«Агроөнеркәсіптік кешенді және ауылдық аумақтарды дамытуды мемлекеттік реттеу туралы» 2005 жылғы 8 шілдедегі Қазақстан Республикасы Заңының 7-бабы 2-тармағының 10-1) тармақшасына сәйкес Қостанай облысының әкімдігі ҚАУЛЫ ЕТЕДІ:

1. Қоса беріліп отырған Қостанай облысының агроөнеркәсіптік кешені саласында инновациялық жобаларды іріктеуді ұйымдастыру қағидалары бекітілсін.

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

КЕЛІСІЛДІ:

«Қостанай облысы әкімдігінің

ауыл шаруашылығы басқармасы»

ММ басшысы

________________ Ф. Филиппов

«Қостанай облысы әкімдігінің

қаржы басқармасы» ММ басшысы

_____________ С. Аймұхамбетова

«Қостанай облысы әкімдігінің

экономика және бюджеттік жоспарлау

басқармасы» ММ басшысы

_____________ Г. Кисленкова

Әкімдіктің

2013 жылғы 11 желтоқсандағы

№ 547 қаулысымен

бекітілген

Қостанай облысының агроөнеркәсіптік кешені саласында инновациялық жобаларды іріктеуді ұйымдастыру

қағидалары

1. Жалпы ережелер

1. Осы Қостанай облысының агроөнеркәсіптік кешені саласында инновациялық жобаларды іріктеуді ұйымдастыру қағидалары (бұдан әрі - Қағидалар) Қазақстан Республикасының 2008 жылғы 4 желтоқсандағы Бюджет кодексіне, «Агроөнеркәсіптік кешенді және ауылдық аумақтарды дамытуды мемлекеттік реттеу туралы» 2005 жылғы 8 шілдедегі Қазақстан Республикасының Заңына, «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасының Заңына сәйкес әзірленді және жергілікті бюджет қаражаты есебінен инновациялық жобаларды тарату және енгізу үшін оларды іріктеуді ұйымдастыру тәртібін белгілейді.

Инновациялық жобаларды іріктеу агроөнеркәсіптік кешеннің мынадай салалық бағыттары бойынша: