«Қостанай қаласының аумағында сайлау учаскелерін құру туралы» Қостанай облысы Қостанай қаласы әкімінің 2014 жылғы 10 ақпандағы № 2 шешімі (2017.12.06. берілген өзгерістермен) (күші жойылды)

Қостанай қаласының аумағында сайлау учаскелерін құру туралы
Қостанай облысы Қостанай қаласы әкімінің 2014 жылғы 10 ақпандағы № 2 шешімі

(2017.12.06. берілген өзгерістермен)

Қостанай облысы Қостанай қаласы әкімінің 2018 жылғы 16 қарашадағы № 3 шешімімен күші жойылды

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 23-бабына сәйкес, қалалық сайлау комиссиясының келісімі бойынша ШЕШІМ ҚАБЫЛДАДЫ:

1. Қостанай қаласының аумағында сайлау учаскелері қосымшаға сәйкес құрылсын.

2. Осы шешімнің орындалуын бақылау «Қостанай қаласы әкімінің аппараты» мемлекеттік мекемесінің басшысына жүктелсін.

3. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.

КЕЛІСІЛДІ:

Қалалық сайлау

комиссиясының төрайымы

В. Макерова

Қостанай облысы Қостанай қаласы әкімінің 2014.05.09. № 3 шешімімен қосымша өзгертілді (бұр.ред.қара); Қостанай облысы Қостанай қаласы әкімінің 2017.12.06. № 5 шешімімен қосымша жаңа редакцияда (бұр.ред.қара)

Қостанай қаласы әкімінің

2014 жылғы 10 ақпанда № 2

шешіміне қосымша

Сайлау учаскелерінің шекаралары

№ 1 сайлау учаскесі

Шекаралары: Ы. Алтынсарин көшесінен Тәуелсіздік көшесі бойынша (тақ жағы №67-ден №87-ге дейін) С. Баймағамбетов көшесіне дейін, С.Баймағамбетов көшесі бойынша (жұп жағы №164) Әл-Фараби даңғылына дейін, Әл-Фараби даңғылы бойынша (тақ жағы №91) О. Қозыбаев көшесіне дейін, О.Қозыбаев көшесі бойынша (жұп жағы) Л.Толстой көшесіне дейін, Л.Толстой көшесі бойынша (жұп жағы №72) С. Баймағамбетов көшесіне дейін, С.Баймағамбетов көшесі бойынша (жұп жағы №156-дан №160-қа дейін) Павлов көшесіне дейін, Павлов көшесінің бойы, осы көшеде орналасқан үйлерді қоспай, №50 кварталдың аумағы арқылы Гоголь көшесіне дейін, Гоголь көшесі бойынша (жұп жағы) Ы. Алтынсарин көшесіне дейін, Ы. Алтынсарин көшесі бойынша (тақ жағы №109-дан №117-ге дейін) Тәуелсіздік көшесіне дейін.