Кыргыз Республикасынын Жогорку Сотунун административдик жана экономикалык иштер боюнча соттук коллегиясынын 2014-жылдын 6-февралындагы № АД-000375/12-MO токтому

Кыргыз Республикасынын Жогорку Сотунун административдик жана экономикалык иштер боюнча соттук коллегиясынын 2014-жылдын 6-февралындагы токтому

Иш № АД-000375/12-MO

Көзөмөл өндүрүшү № 6-571/13 АД, 6-111/14 АД

Кыргыз Республикасынын Жогорку сотунун административдик жана экономикалык иштер боюнча соттук коллегиясы курамында:

төрагалык кылуучу: Джумашов К.О.,

судьялар: Акматов Б.Дж., Арапбаев Н.М.,

катчы: Абышов Б.К.,

О.Мусаеванын өкүлдөрү - Мамажан кызы Г. жана Г.Зайитованын (2014-жылдын 28-январындагы ишеним каты) катышуулары менен ачык соттук отурумда О.Мусаеванын Ош областтык сотунун административдик жана экономикалык иштер боюнча соттук коллегиясынын 2013-жылдын 9-октябрындагы аныктамасына карата көзөмөл даттануусун карай, ал аныктама менен Ош областынын райондор аралык сотунун 2012-жылдын 15-октябрындагы аныктамасына карата келтирген кассациялык даттануу берүү үчүн өтүп кеткен процесстик мөөнөтүн калыбына келтирүү жөнүндөгү арызы канааттандыруусуз калтырылган. Ош областынын райондор аралык сотунун 2012-жылдын 15-октябрындагы аныктамасына карата келтирген кассациялык даттануусу кайтарылып берилген.

(Төрагалык кылган: Каримова Р.А., судьялар: Эгембердиева А.У., Салиев К.А.)

Ош областынын райондор аралык сотунун 2012-жылдын 15-октябрындагы аныктамасы менен үчүнчү жак Сатаров Эрландын өкүлүнүн өтүнүчү канааттандырылган. Доогер Мусаева Орункандын ишенимдүү өкүлү Чыраков Орозматтын жоопкер Өзгөн районунун Жылалды айыл округуна карата 2011-жылдын 22-декабрындагы Өзгөн районунун прокуратурасы тарабынан келтирилген 11-1905-11 сандуу протестинин негизинде кабыл алынган Жылалды айыл округунун 2011-жылдын 26-декабрындагы № 247 сандуу токтомун жокко чыгаруу жөнүндөгү арызы боюнча иш өндүрүштөн токтотулган.

(судья: Кулакматов Б.О.)

ТАПТЫ:

Мусаева Орункан Өзгөн районунун Жылалды айыл округуна карата 2011-жылдын 22-декабрындагы Өзгөн районунун прокуратурасы тарабынан келтирилген 11-1905-11 сандуу протестинин негизинде кабыл алынган Жылалды айыл округунун 2011-жылдын 26-декабрындагы № 247 сандуу токтомун жокко чыгаруу жөнүндөгү арызы менен Ош областынын райондор аралык сотуна кайрылган.

Соттор тарабынан жогорудагыдай соттук актылар кабыл алынган.