«Инвестициялық жобаның «Өнімділік 2020» бағдарламасының қатысушысына қойылатын критерийлерге сәйкестігіне сараптамалық баға беру» мемлекеттік көрсетілетін қызмет стандарты (Қазақстан Республикасы Үкіметінің 2014 жылғы 20 наурыздағы № 252 қаулысымен бекітілген) (күші жойылды)

ҚР Үкіметінің 2015 жылғы 25 желтоқсандағы № 1063 Қаулысымен күші жойылды

Қазақстан Республикасы

Үкіметінің

2014 жылғы 20 наурыздағы

№ 252 қаулысымен

бекітілген

«Инвестициялық жобаның «Өнімділік 2020» бағдарламасының қатысушысына қойылатын

критерийлерге сәйкестігіне сараптамалық баға беру»
мемлекеттік көрсетілетін қызмет стандарты

«Инвестициялық жобаның «Өнімділік 2020» бағдарламасының қатысушысына қойылатын өлшемдерге сәйкестігіне сараптамалық баға беру» мемлекеттік көрсетілетін қызмет регламентін қараңыз

1. Жалпы ережелер

1. «Инвестициялық жобаның «Өнімділік 2020» бағдарламасының қатысушысына қойылатын критерийлерге сәйкестігіне сараптамалық баға беру» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасының Индустрия және жаңа технологиялар министрлігі (бұдан әрі - Министрлік) әзірледі.

3. Мемлекеттік қызметті «Қазақстандық индустрияны дамыту институты» акционерлік қоғамы (бұдан әрі - көрсетілетін қызметті беруші) көрсетеді.

2. Мемлекеттік қызметті көрсету тәртібі

4. Мемлекеттік қызметті көрсету мерзімі:

1) көрсетілетін қызметті берушіге топтамасын тапсырған сәттен бастап - 24 (жиырма төрт) жұмыс күні;

2) құжаттар топтамасын тапсыру үшін күтудің рұқсат берілетін ең ұзақ уақыты - 30 (отыз) минут;

3) қызмет көрсетуге рұқсат берілетін ең ұзақ уақыты - 30 (отыз) минут.

5. Мемлекеттік қызметті көрсету нысаны - қағаз түрінде.

6. Мемлекеттік қызметті көрсету нәтижесі - инвестициялық жобаның «Өнімділік 2020» бағдарламасының қатысушыларға қойылатын критерийлерге сәйкестігіне сараптамалық бағалау қорытындысының көшірмесі.

7. Мемлекеттік қызмет «Өнімділік 2020» бағдарламасына қатысуға өтініш берген заңды тұлғалар - кәсіпкерлік субъектілеріне ғана (бұдан әрі - көрсетілетін қызметті алушы) тегін көрсетіледі.