«Барлаумен немесе өндірумен байланысты емес жерасты құрылыстарын салу және (немесе) пайдалануға келісімшарт жасасу» мемлекеттік көрсетілетін қызметтің регламенті (Ақмола облысы әкімдігінің 2014 жылғы 20 наурыздағы № А-3/100 қаулысымен бекітілді) (2014.21.08. берілген өзгерістер мен толықтырулармен) (күші жойылды)

Ақмола облысы әкімдігінің 2015 жылғы 23 шілдедегі № А-8/349 Қаулысымен күші жойылды

Ақмола облысы әкімдігінің

2014 жылғы 20 наурыздағы

№ А-3/100 қаулысымен

бекітілді

«Барлаумен немесе өндірумен байланысты емес жерасты құрылыстарын салу және (немесе) пайдалануға келісімшарт жасасу»

мемлекеттік көрсетілетін қызметтің регламенті
(2014.21.08. берілген өзгерістер мен толықтырулармен)

1. Жалпы ережелер

1. «Барлаумен немесе өндірумен байланысты емес жерасты құрылыстарын салу және (немесе) пайдалануға келісімшарт жасасу» мемлекеттік көрсетілетін қызмет (бұдан әрі - мемлекеттік көрсетілетін қызмет) «Ақмола облысының кәсіпкерлік және өнеркәсіп басқармасы» мемлекеттік мекемесімен (бұдан әрі - көрсетілетін қызметті беруші) көрсетіледі.

2. Мемлекеттік қызметті көрсетудің нысаны: қағаз түрінде.

3. Барлаумен немесе өндірумен байланысты емес жерасты құрылыстарын салу және (немесе) пайдалануға келісімшарт (бұдан әрі - келісімшарт) көрсетілетін мемлекеттік қызметтің нәтижесі болып табылады.

2. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің (қызметкерлерінің) іс-қимылдар тәртібін сипаттау

4. Мемлекеттік көрсетілетін қызметті алу үшін мемлекеттік көрсетілетін қызметті алушы Қазақстан Республикасы Үкіметінің 2014 жылғы 26 ақпандағы № 153 қаулысымен бекітілген «Барлаумен немесе өндірумен байланысты емес жерасты құрылыстарын салу және (немесе) пайдалануға келісімшарт жасасу» мемлекеттік көрсетілетін қызмет стандартының 9-тармағында көрсетілген құжаттарды ұсынады.

5. Қызмет көрсету процесінің құрамына кіретін әрбір рәсімдердің (іс-қимылдың) мазмұны, оны орындау ұзақтығы:

1) көрсетілетін қызметті берушінің кеңсесі құжаттардың қабылдауын, олардың тіркелуін жүргізеді - 15 минут. Нәтижесі - көрсетілетін қызметті берушінің кеңсесінде көрсетілетін қызметті алушының құжаттарының көшірмесіне құжаттар топтамасының қабылданған күні мен уақыты туралы белгі қойылады;

2) көрсетілетін қызметті берушінің басшылығы құжаттармен танысады - 15 минут. Нәтижесі - орындау үшін жауапты орындаушыны анықтау;