«Байланыс саласындағы қызметтерді көрсетуге лицензия беру, қайта ресімдеу, лицензияның телнұсқасын беру» мемлекеттік көрсетілетін қызмет регламенті (Қазақстан Республикасы Көлік және коммуникация министрінің 2014 жылғы 19 наурыздағы № 202 бұйрығына 1-қосымша) (күші жойылды)

ҚР Инвестициялар және даму министрінің м.а. 2015 жылғы 28 мамырдағы № 644 бұйрығымен күші жойылды

Қазақстан Республикасы

Көлік және коммуникация министрінің

2014 жылғы 19 наурыздағы

№ 202 бұйрығына

1-қосымша

«Байланыс саласындағы қызметтерді көрсетуге лицензия беру, қайта ресімдеу, лицензияның телнұсқасын беру»

 мемлекеттік көрсетілетін қызмет регламенті


1. Жалпы ережелер

1. «Байланыс саласындағы қызметтерді көрсетуге лицензия беру, қайта ресімдеу, лицензияның телнұсқасын беру» мемлекеттік көрсетілетін қызметін (бұдан әрі - Регламент) Қазақстан Республикасы Көлік және коммуникация министрлігінің Байланыс және ақпараттандыру комитеті (бұдан әрі - көрсетілетін қызметті беруші) «Байланыс туралы» 2004 жылғы 5 шілдедегі Қазақстан Республикасы Заңының 8-бабы 1-тармағының 9) тармақшасы негізінде, сондай-ақ «Қазақстан Республикасы Көлік және коммуникация министрлігі көрсететін байланыс саласындағы мемлекеттік қызметтердің стандарттарын бекіту туралы» Қазақстан Республикасы Үкіметінің 2014 жылғы 28 ақпандағы № 158 қаулысымен бекітілген «Байланыс саласындағы қызметтерді көрсетуге лицензия беру, қайта ресімдеу, лицензияның телнұсқасын беру» мемлекеттік көрсетілетін қызмет стандарты (бұдан әрі - Стандарт) негізінде көрсетеді.

2. Мемлекеттік қызметті көрсету үшін құжаттарды қабылдау және мемлекеттік қызметті көрсету нәтижелерін беру көрсетілетін қызметті берушінің кеңсесі немесе www.egov.kz «электрондық үкіметтің» веб-порталы немесе www.elicense.kz «Е-лицензиялау» веб-порталы (бұдан әрі - Портал) арқылы жүзеге асырылады.

3. Көрсетілетін мемлекеттік қызметтің нысаны: электрондық.

4. Көрсетілетін мемлекеттік қызметтің нәтижесі:

Стандарттың 1 және 2-қосымшаларына сәйкес байланыс саласындағы қызметтерді көрсетуге лицензия және (немесе) лицензияға қосымша (қайта ресімдеу, телнұсқа) беру;

көрсетілетін мемлекеттік қызметті көрсетуден Стандартың 10-тармағында көзделген негіздемелер бойынша дәлелді бас тарту туралы жауап беру.

Көрсетілетін мемлекеттік қызметті ұсыну нәтижесі нысаны: электрондық.

Мемлекеттік қызметті көрсету мерзімдері Стандарттың 4-тармағымен бекітілген.