«Діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналастырылуын бекіту туралы шешім беру» мемлекеттік көрсетілетін қызмет регламенті (Алматы облысы әкімдігінің 2014 жылғы 11 сәуірдегі № 116 Қаулысымен бекітілді) (күші жойылды)

Алматы облысы әкімдігінің 2015 жылғы 4 тамыздағы № 339 Қаулысымен күші жойылды

Алматы облысы әкімдігінің

2014 жылғы 11 сәуір

№ 116 қаулысымен бекітілген

«Діни әдебиетті және діни мазмұндағы өзге де ақпараттық материалдарды, діни мақсаттағы заттарды

тарату үшін арнайы тұрақты үй-жайлардың орналастырылуын бекіту туралы шешім беру»

мемлекеттік көрсетілетін қызмет регламенті

1. Жалпы ережелер

1. «Діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналастырылуын бекіту туралы шешім беру» мемлекеттік көрсетілетін қызмет (бұдан әрі - мемлекеттік көрсетілетін қызмет) Алматы облысы әкімдігінің дін істері басқармасымен (бұдан әрі - көрсетілетін қызметті беруші) «Діни қызмет және діни бірлестіктер туралы» Қазақстан Республикасы 2011 жылғы 11 қазандағы Заңының 5- бабының 7- тармақшасы және «Діни қызмет саласындағы мемлекеттік көрсетілетін қызметтер стандарттарын бекіту туралы» Қазақстан Республикасы Үкіметінің 2014 жылдың 24 ақпанындағы № 137 қаулысымен бекітілген «Діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналастырылуын бекіту туралы шешім беру» мемлекеттік көрсетілетін қызмет стандарты» (бұдан әрі - Стандарт) негізінде жүзеге асырады.

2. Мемлекеттік көрсетілетін қызмет көрсету нысаны: қағаз түрінде.

3. Мемлекеттік көрсетілетін қызметтің нәтижесі: мемлекеттік қызмет алушыға (немесе нотариалды куәландырылған сенімхат бойынша өкіліне) төлқұжатын немесе жеке басын куәландыратын өзге құжатты көрсеткен кезде қолма-қол берілетін немесе пошта арқылы жолданатын діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналастырылуын бекіту туралы шешім немесе Қазақстан Республикасының Заңдары мен басқа нормативтік құқықтық актілерімен белгіленген негіздер бойынша дәлелді жауап көрсетілген мемлекеттік қызмет көрсетуден бас тарту туралы көрсетілетін қызмет берушінің хаты болып табылады.