«Франшиза тартуға жұмсалған шығындардың бір бөлігін өтеу» мемлекеттік көрсетілетін қызметтің регламенті (Қазақстан Республикасы Премьер-Министрінің орынбасары - Қазақстан Республикасының Индустрия және жаңа технологиялар министрінің 2014 жылғы 6 мамырдағы № 162 бұйрығына 4-қосымша) (күші жойылды)

ҚР Инвестициялар және даму министрінің м.а. 2015 жылғы 7 қазандағы № 981 бұйрығымен күші жойылды 

Қазақстан Республикасы

Премьер-Министрінің орынбасары -

Қазақстан Республикасының Индустрия

және жаңа технологиялар министрінің

2014 жылғы 6 мамырдағы

№ 162 бұйрығына

4-қосымша

«Франшиза тартуға жұмсалған шығындардың бір бөлігін өтеу»

 мемлекеттік көрсетілетін қызметтің регламенті


1. Жалпы ережелер

1. «Франшиза тартуға жұмсалған шығындардың бір бөлігін өтеу» мемлекеттік көрсетілетін қызметті (бұдан әрі - мемлекеттік көрсетілетін қызмет) «KAZNEX INVEST» экспорт және инвестициялар ұлттық агенттігі» акционерлік қоғамы көрсетеді (бұдан әрі - көрсетілетін қызметті беруші).

2. Мемлекеттік көрсетілетін қызметтің нысаны - қағаз түрінде.

3. Мемлекеттік көрсетілетін қызметтің нәтижесі - франшиза тартуға жұмсалған шығындардың бір бөлігін өтеу.

2. Мемлекеттік қызметті көрсету процесінде көрсетілетін
қызметті берушінің құрылымдық бөлімшелерінің (қызметкерлерінің)
іс-қимылдар тәртібінің сипаттамасы

4. Мемлекеттік қызметті көрсету бойынша рәсімді (іс-қимылды) бастау үшін негіздеме Қазақстан Республикасы Үкіметінің 2014 жылғы 20 наурыздағы № 252 қаулысымен бекітілген «Франшиза тартуға жұмсалған шығындардың бір бөлігін өтеу» мемлекеттік көрсетілетін қызмет стандартының 9-тармағына сәйкес құжаттарды қоса бере отырып, көрсетілетін қызметті алушының өтінімі болып табылады.

5. Мемлекеттік қызметті көрсеткен кезде құрылымдық бөлімшелер қызметкерлерінің іс-қимылы тәртібі, рәсімдері (іс-қимылы) және оларды орындаудың бірізділігі, оның ішінде әрбір құрылымдық бөлімшелер бөлінісінде барлық рәсімдерді (іс-қимылдары) өту кезеңдері:

1-рәсім - көрсетілетін қызметті беруші кеңсесінің маманы құжаттарды қабылдауды және тіркеуді жүзеге асырады, оларды көрсетілетін қызметті берушінің басшысына жібереді - 30 минут, келесі рәсімді орындауды (әрекетті) бастауға негіз болып табылатын мемлекеттік қызмет көрсету бойынша рәсім (іс-қимыл) нәтижесі - тіркелген құжаттар;