«Радиоберуші аппаратураны пайдалануға рұқсат беру» мемлекеттік қызмет регламенті (Қазақстан Республикасы Көлік және коммуникация министрінің 2014 жылғы 19 мамырдағы № 311 Бұйрығына 5-қосымша) (күші жойылды)

ҚР Инвестициялар және даму министрінің м.а. 2015.28.05. № 622 бұйрығымен күші жойылды

Қазақстан Республикасы

Көлік және коммуникация министрінің

2014 жылғы 19 мамырдағы

№ 311 бұйрығына

5-қосымша

«Радиоберуші аппаратураны пайдалануға рұқсат беру»

мемлекеттік қызмет регламенті

1. Жалпы ережелері

1. «Радиоберуші аппаратураны пайдалануға рұқсат беру» мемлекеттік қызметті (бұдан әрі - мемлекеттік қызмет) «Қазақстан Республикасының әуе кеңістігін пайдалану және авиация қызметі туралы» «Қазақстан Республикасының әуе кеңістігін пайдалану және авиация қызметі туралы» Қазақстан Республикасының 2010 жылғы 15 шілдедегі Заңының 47-бабының 9-тармағының негізінде, сондай-ақ «Қазақстан Республикасы Көлік және коммуникация министрлігінің ұшуға пайдалану және ұшуға жарамдылықта ұстау саласында мемлекеттік қызметтер көрсетуі мәселелері туралы» Қазақстан Республикасы Үкіметінің 2014 жылғы 25 сәуірдегі № 400 қаулысымен бекітілген «Радиоберуші аппаратураны пайдалануға рұқсат беру» мемлекеттік қызмет стандартына сәйкес Қазақстан Республикасы Көлік және коммуникация министрлігінің Азаматтық авиация комитеті (бұдан әрі - қызметті беруші) көрсетеді.

2. Өтініштерді қабылдау және мемлекеттік көрсетілетін қызметтің нәтижелерін беру қызмет берушінің кеңсесі немесе www.e.gov.kz «электрондық үкімет» веб-порталы (бұдан әрі - Портал) арқылы жүзеге асырылады.

3. Мемлекеттік көрсетілетін қызметтің үлгісі: қағаз және (немесе) электронды (жартылай автоматтандырылған) түрде.

4. Мемлекеттік көрсетілетін қызметтің нәтижесі Радиоберуші аппаратураны пайдалануға рұқсат (бұдан әрі - рұқсат) беру болып есептеледі.

2. Мемлекеттік көрсетілетін қызметтің процесінде қызмет берушінің құрылымдық бөлімшелерінің (қызметкерлерінің) іс-әрекеті тәртібінің сипаттамасы