«Бірегей, элиталық тұқым, бірінші, екінші және үшінші көбейтілген тұқым өндірушілерді және тұқым өткізушілерді аттестаттау» мемлекеттік көрсетілетін қызмет регламенті (Алматы қаласы әкімдігінің 2014 жылғы 21 мамырдағы № 2/379 Қаулысымен бекітілді) (2015.13.04. берілген өзгерістер мен толықтырулармен) (күші жойылды)

Алматы қаласы әкімдігінің 2016 жылғы 10 ақпандағы № 1/48 Қаулысымен күші жойылды

Алматы қаласы әкімдігінің

2014 жылғы 21 мамырдағы № 2/379

қаулысымен бекітілген

«Бірегей, элиталық тұқым, бірінші, екінші және үшінші көбейтілген тұқым өндірушілерді және тұқым өткізушілерді аттестаттау»

мемлекеттік көрсетілетін қызмет регламенті

(2015.13.04. берілген өзгерістер мен толықтырулармен)

1. Жалпы ережелер

 Алматы қаласы әкімдігінің 2015.13.04. № 2/232 Қаулысымен 1-тармақ өзгертілді (бұр.ред.қара)

1. «Бірегей, элиталық тұқым, бірінші, екінші және үшінші көбейтілген тұқым өндірушілерді және тұқым өткізушілерді аттестаттау» осы мемлекеттік көрсетілетін қызмет регламенті Қазақстан Республикасы Үкіметінің 2014 жылғы 5 наурыздағы № 199 қаулысымен бекітілген «Бірегей, элиталық тұқым, бірінші, екінші және үшінші көбейтілген тұқым өндірушілерді және тұқым өткізушілерді аттестаттау» мемлекеттік көрсетілетін қызмет Стандартының (бұдан әрі - Стандарт) негізінде әзірленген.

«Бірегей, элиталық тұқым, бірінші, екінші және үшінші көбейтілген тұқым өндірушілерді және тұқым өткізушілерді аттестаттау» мемлекеттік көрсетілетін қызметін (бұдан әрі - мемлекеттік көрсетілетін қызмет) Алматы қаласы, Республика алаңы, 4, 216 бөлме, телефон: 8(727)271-66-90, 272-23-08 мекенжайы бойынша «Алматы қаласы ауыл шаруашылығы басқармасы» коммуналдық мемлекеттік мекемесі арқылы Алматы қаласының әкімдігі (бұдан әрі - көрсетілетін қызметті беруші) көрсетеді.

Өтінімдерді қабылдау және мемлекеттік қызметті көрсету нәтижесін беру көрсетілетін қызметті беруші арқылы, сондай-ақ www.e.gov.kz «электрондық үкімет» веб-порталы арқылы жүзеге асырылады.

2. Көрсетілетін мемлекеттік қызмет нысаны: электрондық (ішінара автоматтандырылған) және (немесе) қағаз түрінде.

Көрсетілетін мемлекеттік қызмет нәтижесі көрсетілетін қызметті берушінің уәкілетті лауазымды адамының электрондық цифрлық қолтаңбасымен куәландырылған электрондық құжат нысанындағы аттестаттау туралы куәлікті беру болып табылады.