«Техникалық және кәсіптік білім беру ұйымдарында білім алушыларға жатақхана беру» мемлекеттік қызмет регламенті (Қостанай облысы әкімдігінің 2014 жылғы 9 маусымдағы № 253 қаулысымен бекітілген) (күші жойылды)

Қостанай облысы әкімдігінің 2015 жылғы 16 қарашадағы № 482 Қаулысымен күші жойылды

Әкімдіктің

2014 жылғы 9 маусымдағы

№ 253 қаулысымен бекітілген

«Техникалық және кәсіптік білім беру ұйымдарында білім алушыларға жатақхана беру»

мемлекеттік қызмет регламенті


1. Жалпы ережелер

1. Мемлекеттік қызмет «Техникалық және кәсіптік білім беру ұйымдарында білім алушыларға жатақхана беру» (бұдан әрі - мемлекеттік қызмет) жатақханалары бар техникалық және кәсіптік білім беру ұйымдарымен (бұдан әрі - қызмет беруші) көрсетіледі.

Өтініштерді қабылдау және мемлекеттік қызметті көрсетудің нәтижелерін беруі қызмет берушімен жүзеге асырылады.

2. Мемлекеттік қызмет көрсетудің нысаны: қағаз жүзінде.

3. Мемлекеттік қызмет көрсетудің нәтижесі - «Техникалық және кәсіптік білім беру саласында көрсетілетін мемлекеттік қызметтер стандарттарын бекіту туралы» Қазақстан Республикасы Үкіметінің 2014 жылғы 30 сәуірдегі № 423 қаулысымен бекітілген «Техникалық және кәсіптік білім беру ұйымдарында білім алушыларға жатақхана беру» мемлекеттік қызмет стандартының (бұдан әрі - Стандарт) 1 қосымшасына сәйкес нысан бойынша техникалық және кәсіптік білім беру ұйымдарында білім алушыларға жатақхананы беру туралы жолдама.

Мемлекеттік қызметтің нәтижесін ұсыну нысаны - қағаз түрінде.

2. Мемлекеттік қызметті көрсету процесінде көрсетілетін қызметті берушінің құрылымдық бөлімшелерінің
(қызметкерлерінің) іс-қимыл тәртібін сипаттау

4. Мемлекеттік қызметті көрсету бойынша рәсімді (іс-қимылды) бастауға негіздемесі қызмет берушімен Стандарттың 2 қосымшасына сәйкес нысан бойынша өтінішті, Стандартың 9-тармағында көрсетілген құжаттарды (бұдан әрі - құжаттар топтамасы) қабылдау болып табылады.

5. Мемлекеттік қызмет көрсету процесінің құрамына кіретін әрбір рәсімнің (іс-қимылдың) мазмұны, оның орындалу ұзақтығы: