«Экономика салаларында су тұтынудың және су бұрудың үлестік нормаларын келісу» мемлекеттік көрсетілетін регламенті (Қазақстан Республикасы Қоршаған орта және су ресурстары министрінің 2014 жылғы 1 шілдедегі № 246-Ө бұйрығына 2-қосымша) (күші жойылды)

ҚР Ауыл шаруашылығы министрінің 2015 жылғы 8 шілдедегі № 19-1/615 бұйрығымен күші жойылды

Қазақстан Республикасы

Қоршаған орта және су

ресурстары министрінің

2014 жылғы 1 шілдедегі

№ 246-Ө бұйрығына

2-қосымша

«Экономика салаларында су тұтынудың және су бұрудың үлестік нормаларын келісу»

мемлекеттік көрсетілетін регламенті


1. Жалпы ережелер

1. «Экономика салаларында су тұтынудың және су бұрудың үлестік нормаларын келісу» мемлекеттік көрсетілетін қызметі (бұдан әрі - мемлекеттік көрсетілетін қызмет) Қазақстан Республикасы Үкіметінің 2014 жылғы 3 маусымдағы № 607 қаулысымен бекітілген «Арнайы су пайдалануға рұқсат беру» мемлекеттік көрсетілетін қызмет стандартының негізінде Қазақстан Республикасы Қоршаған орта және су ресурстары министрлігінің Су ресурстары комитеті көрсетеді.

Мемлекеттік көрсетілетін қызметке өтініштер қабылдау және нәтижелерін беру қызметті берушілердің кеңсесі жүзеге асырылады.

2. Мемлекеттік қызмет көрсету нәтижелерін беру нысаны: қағаз.

3. Мемлекеттік қызметті көрсетудің нәтижесі - қағаз түрінде экономика салаларында су тұтынудың және су бұрудың үлестік нормаларын келісу (бұдан әрі - келісу).

2. Мемлекеттік қызмет көрсету процесінде көрсетілетін қызметті берушінің
құрылымдық бөлімшелерінің (қызметкерлерінің) іс-қимыл тәртібін сипаттау

4. Көрсетілетін қызметті алушының көрсетілетін қызметті берушіге қағаз немесе электронды тәсілмен жолданған өтініш пен қоса тіркелген құжаттардың (бұдан әрі - өтініш) бар болуы мемлекеттік қызмет көрсету жөніндегі рәсімді (іс-қимылды) бастау үшін негіз болып табылады.

5. Мемлекеттік көрсетілетін қызмет процесінің құрамына енетін әрбір рәсімнің (әрекеттің) мазмұны, орындау ұзақтығы:

1) өтінішті көрсетілетін қызметті берушінің кеңсесінде тіркеуі және көрсетілетін қызметті берушінің басшысына беруі;

2) өтінішті көрсетілетін қызметті беруші басшысының қарауы және көрсетілетін қызметті берушінің тиісті құрылымдық бөлімшесінің басшысына жолдауы;