«Қостанай қаласының коммуналдық мүлігін мүліктік жалдауға (жалға алуға) беру кезінде жалдау ақысының мөлшерлемесін есептеу қағидаларын бекіту туралы» Қостанай облысы Қостанай қаласы әкімдігінің 2014 жылғы 4 тамыздағы № 1926 Қаулысы (күші жойылды)

Қостанай қаласының коммуналдық мүлігін мүліктік жалдауға (жалға алуға) беру кезінде жалдау ақысының мөлшерлемесін есептеу қағидаларын бекіту туралы
Қостанай облысы Қостанай қаласы әкімдігінің 2014 жылғы 4 тамыздағы № 1926 Қаулысы

Қостанай облысы Қостанай қаласы әкімдігінің 2015 жылғы 19 маусымдағы № 1579 Қаулысымен күші жойылды

«Қазақстан Респуликасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 31-бабына, «Мемлекеттік мүлік туралы» 2011 жылғы 1 наурыздағы Қазақстан Республикасы Заңының 18-бабына, «Мемлекеттік мүлікті мүліктік жалдауға (жалға алуға) беру қағидаларын бекіту туралы» Қазақстан Республикасы Үкіметінің 2014 жылғы 13 ақпандағы № 88 қаулысына сәйкес Қостанай қаласының әкімдігі ҚАУЛЫ ЕТЕДІ:

1. Қоса беріліп отырған Қостанай қаласының коммуналдық мүлігін мүліктік жалдауға (жалға алуға) беру кезінде жалдау ақысының мөлшерлемесін есептеу қағидалары бекітілсін.

2. Осы қаулының орындалуын бақылау Қостанай қаласы әкімінің орынбасары В.А. Полешкоға жүктелсін.

3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қостанай қаласы әкімдігінің

2014 жылғы 4 тамыздағы

№ 1926 қаулысымен

бекітілген

 «Қостанай қаласының коммуналдық мүлігін мүліктік жалдауға (жалға алуға)

беру кезінде жалдау ақысының мөлшерлемесін есептеу

қағидалары

Тұрғын үйлерде, өндірістік-шаруашылық мақсаттағы ғимараттарда тұрғын емес орынжайды пайдалану үшін жылына 1 шаршы метр жалдау ақысының мөлшерлемесі, жеке тұрған ғимараттар, құрылыстар мынадай формула бойынша есептеледі:

Ап = АЕК* Кр* Кт, мұндағы

Ап - жалдау ақысының мөлшерлемесі;

АЕК - республикалық бюджет туралы заңмен белгіленген және жалға беру шарты қолданысының басталу күніне қолданыстағы бір айлық есептік көрсеткіш;

Кр - объектінің Қостанай қаласында орналасқан жерін еспеке алатын коэффициент;