Қалалық, аудандық, желілік ішкі істер органының, полиция бөлімінің, ІІМ Өкілдігінің анықтау бөлінісі (бөлімі, бөлімшесі, тобы) туралы үлгілік ереже (Қазақстан Республикасы Ішкі істер министрінің 2014 жылғы 29 шілдедегі № 478 бұйрығына 57-қосымша)

Қазақстан Республикасы

Ішкі істер министрінің

2014 жылғы 29 шілдедегі

№ 478 бұйрығына

57-қосымша

Қалалық, аудандық, желілік ішкі істер органының, полиция бөлімінің,

ІІМ Өкілдігінің анықтау бөлінісі (бөлімі, бөлімшесі, тобы) туралы

үлгілік ереже

1. Жалпы ережелер

1. Анықтау бөлінісі (бөлім, бөлімше, топ) (бұдан әрі - бөлініс) қалалық, аудандық, желілік ішкі істер органның (бұдан әрі - қалалық, аудандық, желілік орган), полиция бөлімінің, ІІМ Өкілдігінің құрылымдық бөлінісі болып табылады.

2. Бөлініс өз қызметінде Қазақстан Республикасының Конституциясын, заңдарын Қазақстан Республикасы Президентінің және Үкіметінің актілерін, өзге де басқа нормативтік құқықтық актілерді, сондай-ақ осы Ережені басшылыққа алады.

3. Бөліністің құрылымын, штаттық санын Қазақстан Республикасының заңнамасында белгіленген тәртіпте Қазақстан Республикасының Ішкі істер министрі бекітеді.

4. Бөлініс:

1) ____________________________________________;

2) ____________________________________________;

3) ____________________________________________ тұрады.

2. Бөліністің негізгі міндеттері, функциялары, құқықтары мен міндеттемелері

5. Міндеті: қылмыстық құқық бұзушылық жасаған адамдарды уақтылы әшкерелеу және қылмыстық жауапкершілікке тарту.

Функциялары:

1) қылмыстық іс жүргізу заңнамасымен ішкі істер органдары үшін белгіленген құзырет шегінде анықтауды жүзеге асыру;

2) аудандық сипатқа ие қылмыстық құқық бұзушылықтарды тергеу;

3) тергеу және заңмен көзделген өзге де процессуалдық іс-әрекеттерді жүргізу кезінде соттардың ұйғарымдарын, судьялардың қаулыларын, прокурорлардың жазбаша тапсырмаларын орындау, жұмыстағы кемшіліктерді жою;

4) қылмыстық процеске қатысушылар мен өзге де адамдардың өмірін, денсаулығын, ар-намысын және мүлкін қорғау;

5) жеке және заңды тұлғаларға қылмыстық құқық бұзушылық келтірген материалдық зиянды өтеу;

6) бөлініс қызметінің нәтижелеріне талдау жасау;