Ішкі істер департаменті жанындағы және қалалық, аудандық ішкі істер органы жол-патрульдік полициясы саптық бөлінісінің кезекші бөлімі туралы үлгілік ереже (Қазақстан Республикасы Ішкі істер министрінің2014 жылғы 29 шілдедегі № 478 бұйрығына 102-қосымша)

Қазақстан Республикасы

Ішкі істер министрінің

2014 жылғы 29 шілдедегі

№ 478 бұйрығына

102-қосымша

Ішкі істер департаменті жанындағы және қалалық, аудандық ішкі істер органы

жол-патрульдік полициясы саптық бөлінісінің кезекші бөлімі туралы

үлгілік ереже


1. Жалпы ережелер

1. Кезекші бөлім Ішкі істер департаменті (бұдан әрі - ІІД) жанындағы және қалалық, аудандық ішкі істер органы (бұдан әрі - қалалық, аудандық орган) жол-патрульдік полициясы саптық бөлінісінің (бұдан әрі - ЖППСБ) дербес құрылымдық бөлінісі болып табылады.

2. Кезекші бөлім өз қызметінде Қазақстан Республикасының Конституциясы, заңдарды Қазақстан Республикасы Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.

3. Кезекші бөлімнің құрылымы мен штаттық санын Қазақстан Республикасының заңнамасында белгіленген тәртіппен Министр бекітеді.

4. Кезекші бөлім:

1) ____________________________________;

2) ____________________________________;

3) ____________________________________ тұрады.

2. Кезекші бөлімнің негізгі міндеттері, функциялары, құқықтары мен міндеттемелері

5. Міндеті: бекітілген бекет ведомостіне сәйкес патрульдік полиция жасақтарын үздіксіз басқаруды қамтамасыз ету, сондай-ақ ППЖ жұмыс нәтижесін қорытындылау, нұсқау (развод) өткізуге дайындықты жүзеге асыру; Функциялары:

1) жедел жағдай күрделене түскен орындарда (ІІО кезекші бөлімінің келісімі бойынша жағдайға байланысты), патрульдік-бекет қызметін арттырады, құқық бұзушыларды ұстау, құқық бұзушылықтарды және қылмыстардың жолын кесу мен ескерту шараларын қабылдайды, оларды болу жолымен күштер мен құралдарды маневрлеуді жүзеге асырады;

2) жедел жағдай өзгергенде, кезек күттірмейтін шараларға ден қоюды жүзеге асыру кезінде басқа құқық қорғау органдары мен тиісті билік органдарымен, ІІО бөліністерінің кезекші бөлімімен өзара іс-қимыл жасасады;

3) ПБЖ сауалы бойынша ұсталған адамдарды автокөлік пен заттарды деректер базасының есебі бойынша тексеруді қамтамасыз етеді, қолдағы бар біріктірілген деректер банкінен ақпараттық мәліметтерді ПБЖ ұсынады;