Ішкі істер департаментінің Жедел-криминалистикалық басқармасы (бөлімі) туралы үлгілік ереже (Қазақстан Республикасы Ішкі істер министрінің2014 жылғы 29 шілдедегі № 478 бұйрығына 106-қосымша)

Қазақстан Республикасы

Ішкі істер министрінің

2014 жылғы 29 шілдедегі

№ 478 бұйрығына

106-қосымша

Ішкі істер департаментінің Жедел-криминалистикалық басқармасы (бөлімі) туралы

үлгілік ереже


1. Жалпы ережелер

1. Жедел-криминалистикалық басқарма (бөлім) (бұдан әрі - ЖКБ (б)) Ішкі істер департаментінің (бұдан әрі - ІІД) құрылымдық бөлінісі болып табылады.

2. ЖКБ (б) өз қызметінде Қазақстан Республикасының Конституциясын, заңдарын, Қазақстан Республикасының Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.

3. ЖКБ (б)-ның құрылымын, штаттық саны Қазақстан Республикасының заңнамасында белгіленген тәртіппен Ішкі істер министрі бекітеді.

4. ЖКБ (б):

1) ____________________________________;

2) ____________________________________;

3) ____________________________________ тұрады.

2. ЖКБ (б)-ның негізгі міндеттері, функциялары, құқықтары мен міндеттемелері

5. Міндеті: қылмыстардың алдын алуда, анықтауда, тергеуде және ашуда криминалистикалық құралдар мен әдістерді қолдану.

Функциялары:

1) ішкі істер органдарының жедел-криминалистикалық бөліністері (бұдан әрі - ЖКБ) қызметкерлерінің тергеу әрекеттері мен жедел-іздестіру іс-шараларына қатысуы;

2) тіркеу пункттерінде агрегаттардың маркалау белгілерін және тіркеу құжаттарын қолдан жасау белгілерін анықтау мақсатында автомотокөлікті қарау;

3) тергеу және жедел-іздестіру бөліністерімен бірлесіп, криминалистикалық құралдар мен әдістерді пайдалану практикасына талдау жүргізу, оларды жетілдіру бойынша практикалық шараларды әзірлеу және жүзеге асыру;

4) ішкі істер органдарының тергеу және жедел-іздестіру бөліністерінің криминалистикалық құралдар мен әдістерді пайдалануын ұйымдастыруда практикалық және әдістемелік көмек көрсету, олардың қызметкерлерін қылмысқа қарсы күрестегі ЖКБ-ның мүмкіндіктері туралы ақпаратпен қамтамасыз ету;

5) қылмыстардың алдын алуда, анықтауда, ашуда және тергеуде криминалистикалық құралдар мен әдістерді пайдалануды ұйымдастырудың озық тәжірибесін жинақтау, тарату және енгізу;