Ішкі істер департаменті жанындағы және қалалық, аудандық ішкі істер органы жол-патрульдік полициясы саптық бөлінісінің, жедел ден-қою арнайы жасағының құжаттамалық қамтамасызету бөлінісі (кеңсесі) туралы үлгілік ереже (Қазақстан Республикасы Ішкі істер министрінің 2014 жылғы 29 шілдедегі № 478 бұйрығына 112-қосымша)

Қазақстан Республикасы

Ішкі істер министрінің

2014 жылғы 29 шілдедегі

№ 478 бұйрығына

112-қосымша

Ішкі істер департаменті жанындағы және қалалық, аудандық ішкі істер органы

жол-патрульдік полициясы саптық бөлінісінің, жедел ден-қою арнайы жасағының құжаттамалық

қамтамасызету бөлінісі (кеңсесі) туралы

үлгілік ереже


1. Жалпы ережелер

1. Құжаттамалық қамтамасыз ету бөліністері (кеңселері) (бұдан әрі - бөлініс) Ішкі істер департаменті және қалалық, аудандық ішкі істер органдары жол-патрульдік полициясы саптық бөліністерінің (бұдан әрі - ЖППСБ), жедел ден-қою арнайы жасағының (бұдан әрі - ЖДҚАЖ) жанындағы құрылымдық бөлінісі болып табылады.

2. Бөлініс өз қызметінде Қазақстан Республикасының Конституциясын, заңдарын, Қазақстан Республикасы Президентінің, Үкіметінің актілерін, өзге де нормативтік құқықтық актілерін, сондай-ақ осы Ережені басшылыққа алады.

3. Бөлініс құрылымы мен штаттық санын Қазақстан Республикасының заңнамасында белгіленген тәртіппен Ішкі істер министрі бекітеді.

4. Басқарма:

1) ____________________________________;

2) ____________________________________;

3) ____________________________________ тұрады.

2. Бөліністің негізгі міндеттері, функциялары, құқықтары мен міндеттемелері

5. Міндеті: Электрондық құжат айналымының бірыңғай жүйесі арқылы (бұдан әрі - ЭҚАБЖ) және бөліністерге келіп түскен материалдар бойынша ЖППСБ, ЖДҚАЖ басшылығының қызметін құжаттамалық және ақпараттық қамтамасыз ету.

Функциялары:

1) келіп түскен қызметтік құжаттарды, жеке және заңды тұлғалардан келіп түсетін шағымдарды, арыздарды, қызметтік құжаттарды қабылдау, тіркеу және ЖППСБ, ЖДҚАЖ бастығына, оның орынбасарларына баяндау, нұсқауға сәйкес орындаушыларға жіберу;

2) шығыс құжаттарды, жеке азаматтардан және заңды тұлғалардан келіп түсетін шағымдардың және өтініштерді өңдеуге қабылдау, оның дұрыс рәсімделуін тексеру, конвертке салу, жіберілетін құжаттарға реестр құру және оларға есеп жүргізіп, фельдегерлік байланыс және арнайы байланыс арқылы жіберу;