«Астана қаласында геология саласындағы мемлекеттік қызметтер регламенттерін бекіту туралы» Астана қаласы әкімдігінің 2014 жылғы 19 тамыздағы № 205-1375 Қаулысы (күші жойылды)

Астана қаласында геология саласындағы мемлекеттік қызметтер регламенттерін бекіту туралы
Астана қаласы әкімдігінің 2014 жылғы 19 тамыздағы № 205-1375 Қаулысы

(2015.19.06. берілген өзгерістермен)

Астана қаласы әкімдігінің 2016 жылғы 8 тамыздағы № 205-1419 Қаулысымен күші жойылды

«Мемлекеттік көрсетілетін қызметтер туралы» Қазақстан Республикасы 2013 жылғы 15 сәуірдегі Заңының 16-бабына және «Геология және су ресурстарын пайдалану саласындағы мемлекеттік көрсетілетін қызметтер стандарттарын бекіту туралы» Қазақстан Республикасы Үкіметінің 2014 жылғы 26 ақпандағы № 153 қаулысына сәйкес Астана қаласының әкімдігі ҚАУЛЫ ЕТЕДІ:

1. Қоса беріліп отырған:

1) «Барлауға немесе өндіруге байланысты емес жерасты құрылыстарын салуға және (немесе) пайдалануға келісімшарт жасау» мемлекеттік көрсетілетін қызмет регламенті 1-қосымшаға сәйкес;

2) «Кең таралған пайдалы қазбаларды барлауға, өндіруге келісімшарттар жасасу, оларды тіркеу және сақтау» мемлекеттік көрсетілетін қызмет регламенті 2-қосымшаға сәйкес;