«Көкшетау қалалық мәслихатының 2014 жылғы 20 наурыздағы № С-24/4 «Көкшетау қалалық мәслихатының Регламентін бекіту туралы» шешіміне өзгерістер енгізу туралы» Ақмола облысы Көкшетау қалалық мәслихатының 2014 жылғы 9 қазандағы № С-30/3 шешімі (күші жойылды)

Көкшетау қалалық мәслихатының 2014 жылғы 20 наурыздағы № С-24/4 «Көкшетау қалалық мәслихатының Регламентін бекіту туралы» шешіміне өзгерістер енгізу туралы
Ақмола облысы Көкшетау қалалық мәслихатының 2014 жылғы 9 қазандағы № С-30/3 шешімі

Ақмола облысы Көкшетау қалалық мәслихатының 2016 жылғы 9 тамыздағы № С-3/8 шешімімен күші жойылды

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес, Көкшетау қалалық мәслихаты ШЕШІМ ЕТТІ:

1. Көкшетау қалалық мәслихатының «Көкшетау қалалық мәслихатының Регламентін бекіту туралы» 2014 жылғы 20 наурыздағы № С-24/4 (Нормативтік құқықтық актілерді мемлекеттік тіркеу тізілімінде № 4138 тіркелген, 2014 жылғы 22 мамырда «Көкшетау» және «Степной маяк» газеттерінде жарияланған) шешіміне келесі өзгерістер енгізілсін:

«Жалпы ережелер» тарауының атауы жаңа редакцияда баяндалсын:

«1. Жалпы ережелер»;

122 тармақ жаңа редакцияда баяндалсын:

«122. Қайта сайлау бастапқы сайлаудан кейін екі ай мерзімнен кешіктірілмей өткізіледі. Қайта сайлауды өткізу кезінде жүзеге асырылуы көзделген сайлау іс-шаралары Қазақстан Республикасының 1995 жылғы 28 қыркүйектегі «Қазақстан Республикасындағы сайлау туралы» Конституциялық заңына сәйкес өткізіледі.»;

127 тармақ жаңа редакцияда баяндалсын:

«127. Қалалық мәслихаттың жұмыс тобы саяси партиялардан, басқа да қоғамдық бірлестіктерден, олардың құрылымдық бөлімшелерінен, жоғары тұрған комиссиялардан, қалыптастырылатын сайлау комиссиясының құрамына үміткерлер туралы ұсыныстарды жинақтаумен айналысады.