Корпоративтік табыс салығы бойынша салық есептілігін (декларацияны) жасау қағидалары (100.00-нысан) (Қазақстан Республикасы Қаржы Министрінің 2014 жылғы 25 желтоқсандағы № 587 бұйрығына 2-қосымша) (2016.21.06. берілген толықтырулармен) (күші жойылды)

1. ҚР Қаржы министрінің 2021.08.01. № 7 бұйрығымен 2023 ж. 1 қаңтардан бастап күші жойылды

Қазақстан Республикасы

Қаржы Министрінің

2014 жылғы 25 желтоқсандағы

№ 587 бұйрығына

1-қосымша

Корпоративтік табыс салығы бойынша салық есептілігін (декларацияны) (100.00 нысан) толтыру кезінде пішімді-логикалық бақылау жүргізуге қойылатын талаптарды қараңыз

Корпоративтік табыс салығы бойынша декларация

100.00-нысан

Қазақстан Республикасы

Қаржы Министрінің

2014 жылғы 25 желтоқсандағы

№ 587 бұйрығына

2-қосымша

Корпоративтік табыс салығы бойынша салық есептілігін (декларацияны) жасау
қағидалары
(100.00-нысан)


1. Жалпы ережелер

1. Осы Корпоративтік табыс салығы бойынша салық есептілігін (декларацияны) жасау қағидалары (100.00-нысан) (бұдан әрі - Қағидалар) «Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасының Кодексіне (Салық кодексі) сәйкес әзірленген және корпоративтік табыс салығын есептеуге (бұдан әрі - КТС) арналған корпоративтік табыс салығы бойынша салық есептілігі нысанын (декларация) (бұдан әрі - декларация) жасау тәртібін айқындайды.

декларацияны:

мемлекеттік мекемелерді;

Салық кодексінің 134-бабы 2-тармағында көрсетілген табыстар бойынша Салық кодексінің 134-бабы 1-тармағының тиісті шарттарына сәйкес келетін коммерциялық емес ұйымдарды;

110.00 немесе 150.00-нысан бойынша декларация толтыратын жер қойнауын пайдаланушыларды қоспағанда, тұрақты мекеме арқылы Қазақстан Республикасында қызметін жүзеге асыратын резидент заңды тұлғалар, резидент емес заңды тұлғалар жасайды.

ҚР Қаржы министрінің 2016.21.06. № 324 бұйрығымен 1-1-тармақпен толықтырылды

1-1. Осы Қағида 2015 жылғы салық есептілігін табыс ету бойынша міндеттемелерге қолданылады.

2. Декларация декларацияның өзінен (100.00-нысан) және салық міндеттемесін есептеу туралы ақпаратты егжей-тегжейлі көрсетуге арналған оған қосымшалардан (100.01-ден 100.07-ге дейінгі нысандар) тұрады.

3. Декларацияны толтыру кезінде түзетуге, өшіруге және тазалауға жол берілмейді.

4. Көрсеткіштер болмаған кезде декларацияның тиісті торкөздері толтырылмайды.