«Қазақстан Республикасының туберкулезге қарсы ұйымдарындағы төсек қорына кезең кезеңмен оңтайландыру және қайта бейіндеу жүргізу туралы» Қазақстан Республикасы Денсаулық сақтау және әлеуметтік даму министрінің 2014 жылғы 29 желтоқсандағы № 357 бұйрығы (күші жойылды)

Қазақстан Республикасының туберкулезге қарсы ұйымдарындағы төсек қорына кезең кезеңмен оңтайландыру және қайта бейіндеу жүргізу туралы
Қазақстан Республикасы Денсаулық сақтау және әлеуметтік даму министрінің 2014 жылғы 29 желтоқсандағы № 357 бұйрығы

ҚР Денсаулық сақтау министрінің 2018.10.12. № 696 бұйрығымен күші жойылды

Қазақстан Республикасы Үкіметінің 2014 жылғы 31 мамырдағы № 597 қаулысымен бекітілген Қазақстан Республикасында туберкулезбен күресу жөніндегі 2014 - 2020 жылдарға арналған кешенді жоспардың 1-тармағына сәйкес БҰЙЫРАМЫН:

1. Облыстардың, Астана, Алматы қалалары денсаулық сақтау басқармаларының басшылары (келісім бойынша):

1) туберкулезге қарсы ұйымдардың төсек қорына кезең кезеңмен оңтайландыру (бұдан әрі - оңтайландыру) және қайта бейіндеу жүргізсін;

2) оңтайландыру кезінде босап шыққан қаржы қаражатын мынадай басымдықтарға:

туберкулезді диагностикалаудың (G-Xpert, HAIN, ВАСТЕС) жедел әдістерін қоса алғанда, туберкулезге қарсы ұйымдардың зертханасына арналған реактивтерді және шығыс материалдарды сатып алуға;

штаттарды психологтармен толықтыруға;

амбулаториялық емдеу деңгейінде туберкулез ауруымен ауыратын науқастарды симптоматикалық заттармен қамтамасыз етуге;

туберкулезге қарсы ұйымдарда инфекциялық бақылау шараларын күшейтуге бөлуді ұсынсын;