«Жасөспірім қыздарды жатыр мойны обырына қарсы вакцинациялау жүргізу туралы» Қазақстан Республикасы Денсаулық сақтау және Әлеуметтік даму министрінің 2014 жылғы 31 қазандағы № 212 бұйрығы (күші жойылды)

Жасөспірім қыздарды жатыр мойны обырына қарсы вакцинациялау жүргізу туралы
Қазақстан Республикасы Денсаулық сақтау және Әлеуметтік даму министрінің 2014 жылғы 31 қазандағы № 212 бұйрығы

ҚР Денсаулық сақтау министрінің 2018.10.12. № 696 бұйрығымен күші жойылды

Қазақстан Республикасы Үкіметінің 2012 жылғы 29 наурыздағы № 366 қаулысымен бекітілген Қазақстан Республикасында онкологиялық көмекті дамытудың 2012-2016 жылдарға арналған бағдарламасының іс-шаралар жоспарының 10-тармағын іске асыру мақсатында БҰЙЫРАМЫН:

1. Қазақстан Республикасы Денсаулық сақтау және әлеуметтік даму министрлігінің Медициналық көмекті ұйымдастыру департаменті (Г.Ө. Құлқаева):

1) вакцинациялау үдерісіне тікелей тартылған барлық деңгейлердегі медицина қызметкерлері үшін 11-15 жастағы жасөспірім қыздарды жатыр мойны обырына қарсы вакцинациялау бойынша өңірлік семинарлар өткізуді;

2) 2014 жылғы 6 қарашадан бастап Қазақстан Республикасында жатыр мойны обырының проблемасы және бастапқы профилактика шаралары ретінде вакцинациялаудың қажеттілігі бойынша халықтың ақпараттандырылуын арттыру жөніндегі науқанды іске асыруды қамтамасыз етсін.