«Халықты әлеуметтік қорғау саласындағы мемлекеттік қызметтер көрсету регламенттерін бекіту туралы» Жамбыл облысы әкімдігінің 2014 жылғы 26 желтоқсандағы № 357 Қаулысы (күші жойылды)

Халықты әлеуметтік қорғау саласындағы мемлекеттік қызметтер көрсету регламенттерін бекіту туралы
Жамбыл облысы әкімдігінің 2014 жылғы 26 желтоқсандағы № 357 Қаулысы

Жамбыл облысы әкімдігінің 2015 жылғы 27 шілдедегі № 158 Қаулысымен күші жойылды

«Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі Заңына және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына сәйкес Жамбыл облысының әкімдігі ҚАУЛЫ ЕТЕДІ:

1. Қоса беріліп отырған:

1) «Шетелдік қызметкерге жұмысқа орналасуға және жұмыс берушілерге тиісті әкімшілік-аумақтық бірлік аумағында еңбек қызметін жүзеге асыру үшін шетел қызметкеріне жұмысқа орналасуға және жұмыс берушілерге шетелдік жұмыс күшін тартуға рұқсат беру, қайта ресімдеу және ұзарту» мемлекеттік қызмет көрсету регламенті;

2) «Адамдарға жұмыспен қамтуға жәрдемдесудің белсенді нысандарына қатысуға жолдамалар беру» мемлекеттік қызмет көрсету регламенті;

3) «Жұмыссыз азаматтарға анықтамалар беру» мемлекеттік қызмет көрсету регламенті;

4) «Жұмыссыз азаматтарды тіркеу және есепке қою» мемлекеттік қызмет көрсету регламенті;

5) «Семей ядролық сынақ полигонында ядролық сынақтардың салдарынан зардап шеккен азаматтарды тіркеу және есепке алу, біржолғы мемлекеттік ақшалай өтемақы төлеу, куәліктер беру» мемлекеттік қызмет көрсету регламенті;

6) «Мемлекеттік атаулы әлеуметтік көмек тағайындау» мемлекеттік қызмет көрсету регламенті;

7) «Ауылдық елді мекендерде тұратын және жұмыс істейтін әлеуметтік сала мамандарына отын сатып алу бойынша әлеуметтік көмек тағайындау» мемлекеттік қызмет көрсету регламенті;

8) «Он сегіз жасқа дейінгі балаларға мемлекеттік жәрдемақы тағайындау» мемлекеттік қызмет көрсету регламенті;

9) «Жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау» мемлекеттік қызмет көрсету регламенті;

10) «Үйде оқитын мүгедек балаларға материалдық қамсыздандыруды тағайындау» мемлекеттік қызмет көрсету регламенті;