«Тұқымның сапасына сараптама жасау жөніндегі зертханаларды аттестаттау» көрсетілетін мемлекеттік қызметінің регламенті (Жамбыл облысы әкімдігінің 2014 жылғы 26 желтоқсанында № 362 қаулысымен бекітілді) (күші жойылды)

Жамбыл облысы әкімдігінің 2015.17.08. № 201 Қаулысымен күші жойылды

Жамбыл облысы әкімдігінің

2014 жылғы 26 желтоқсанында

№ 362 қаулысымен бекітілді

«Тұқымның сапасына сараптама жасау жөніндегі зертханаларды аттестаттау»

көрсетілетін мемлекеттік қызметінің регламенті


1. Жалпы ережелер

1. «Тұқымның сапасына сараптама жасау жөніндегі зертханаларды аттестаттау» мемлекеттік көрсетілетін қызметті (бұдан әрі - мемлекеттік көрсетілетін қызмет) Жамбыл облысының жергілікті атқарушы органы (бұдан әрі - көрсетілетін қызметті беруші) көрсетеді, сондай-ақ «электрондық үкімет» веб-порталының көмегімен: www.egov.kz (бұдан әрі - Портал).

2. Мемлекеттік қызметті көрсету нысаны: электрондық (ішінара автоматтандырылған) және (немесе) қағаз түрінде.

3. Мемлекеттік қызметті көрсету нәтижесі - тұқым сапасына сараптама жасау жөніндегі зертхананы аттестаттау туралы куәлік неболмаса мемлекеттік қызметті көрсетуден бас тарту себебін көрсете отырып, электрондық немесе қағаз жеткізушіде жазбаша дәлелді жауап беру болып табылады.

2. Мемлекеттік қызмет көрсету процесінде көрсетілетін қызметті
берушінің құрылымдық бөлімшелерінің (қызметкерлерінің)
іс-қимыл тәртібін сипаттау

4. Көрсетілетін мемлекеттік қызметті алу үшін көрсетілетін қызметті алушы (неболмаса оның сенімхат бойынша уәкілі) Қазақстан Республикасы Үкіметінің 2014 жылғы 6 маусымдағы № 623 қаулысымен бекітілген «Тұқымның сапасына сараптама жасау жөніндегі зертханаларды аттестаттау» мемлекеттік көрсетілетін қызмет стандартының (бұдан әрі - Стандарт) 9-тармағында көрсетілген құжаттарды береді.

5. Мемлекеттік көрсетілетін қызметті көрсету процесінің құрамына кіретін рәсімдердің (іс-қимылдардың) мазмұны, оны орындау ұзақтығы:

1) көрсетілетін қызметті берушінің кеңсесі өтінім мен құжаттар пакетін қабылдауды іске асырады - 15 (он бес) минут. Нәтижесі - тіркеу және қабылданған өтінім мен құжаттар пакеті туралы талон беру және танысу мен жауапты орындаушыны белгілеу үшін көрсетілетін қызметті берушінің басшылығына жолдау;