«Батыс Қазақстан облысы бойынша 2016-2018 жылдары субсидиялауға жататын әлеуметтік мәні бар автомобиль қатынастар тізбелерін айқындау туралы» Батыс Қазақстан облыстық мәслихатының 2016 жылғы 22 шілдедегі № 5-4 шешімі (2018.16.03. берілген өзгерістермен) (күші жойылды)

Батыс Қазақстан облысы бойынша 2016-2018 жылдары субсидиялауға жататын әлеуметтік мәні бар автомобиль қатынастар тізбелерін айқындау туралы
Батыс Қазақстан облыстық мәслихатының 2016 жылғы 22 шілдедегі № 5-4 шешімі

(2018.16.03. берілген өзгерістермен)

Батыс Қазақстан облыстық мәслихатының 2018 жылғы 7 желтоқсандағы № 21-10 шешімімен күші жойылды

Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы», 2003 жылғы 4 шілдедегі «Автомобиль көлігі туралы» Заңдарына және Қазақстан Республикасы Инвестициялар және даму Министрі міндетін атқарушының 2015 жылғы 25 тамыздағы № 883 «Әлеуметтік маңызы бар жолаушылар тасымалдарын жүзеге асырумен байланысты тасымалдаушылардың шығындарын бюджет қаражаты есебінен субсидиялау қағидаларын бекіту туралы» (Қазақстан Республикасының Әділет министрлігінде 2015 жылғы 4 желтоқсанда № 12353 болып тіркелген) бұйрығына сәйкес Батыс Қазақстан облыстық мәслихаты ШЕШІМ ҚАБЫЛДАДЫ:

Батыс Қазақстан облыстық мәслихатының 2018.16.03. № 16-5 шешімімен 1-тармақ өзгертілді (бұр.ред.қара)

1. Батыс Қазақстан облысы бойынша 2016-2018 жылдары субсидиялауға жататын әлеуметтік мәні бар автомобиль қатынастардың мынадай тізбелері:

1) Батыс Қазақстан облысы бойынша ауданаралық (қалааралық облысішілік) автомобиль қатынастардың тізбесі 1-қосымшаға сәйкес;

2) Батыс Қазақстан облысы бойынша ауылдық және ауданішілік автомобиль қатынастардың тізбесі 2-қосымшаға сәйкес;

3) қалалық және қала маңындағы автомобиль қатынастарының тізбесі 3-қосымшаға сәйкес айқындалсын.

2. Батыс Қазақстан облыстық мәслихат аппаратының басшысы (А.Сұлтанов) осы шешімнің әділет органдарына мемлекеттік тіркелуін, «Әділет» ақпараттық-құқықтық жүйесінде және бұқаралық ақпарат құралдарында оның ресми жариялануын қамтамасыз етсін.

3. Осы шешім алғаш ресми жарияланған күнінен кейін күнтізбелік он күн өткен соң қолданысқа енгізіледі.