Қазақстан Республикасының Инвестициялар және даму министрлігі мен Қытай Халық Республикасының Туризм қызметтері жөніндегі мемлекеттік басқармасы арасындағы Қазақстан Республикасына Қытай азаматтарының топтық туристік сапарларын жеңілдету туралы меморандум (Бейжің қ., 2015 жылғы 14 желтоқсанда)

Қазақстан Республикасының Инвестициялар және даму министрлігі мен
 Қытай Халық Республикасының Туризм қызметтері жөніндегі мемлекеттік басқармасы арасындағы
Қазақстан Республикасына Қытай азаматтарының топтық туристік сапарларын жеңілдету туралы
 меморандум
(Бейжің қ., 2015 жылғы 14 желтоқсанда)

ҚР Инвестициялар және даму министрінің міндетін атқарушысының 2015 жылғы 14 желтоқсандағы № 1196 бұйрығымен мақұлданды

Бұдан әрі «Тараптар» деп аталатын Қазақстан Республикасы Инвестициялар және даму министрлігі (бұдан әрі «Қазақстан тарапы» деп аталатын) және Қытай Халық Республикасы Туризм қызметтері жөніндегі мемлекеттік басқармасы (бұдан әрі «Қытай тарапы» деп аталатын) Қазақстан Республикасына Қытай азаматтарының топтық туристік сапарларын (бұдан әрі - туристік топтар) жеңілдету мақсатында,

төмендегілер туралы келісті:

1-бап

Қытай тарапы қытай азаматтарының туристік мақсатта шет елге шығуын ұйымдастыруға лицензиялары бар, Қазақстан Республикасына туристік мақсаттарда жіберілетін қытайлық туристік топтарды қалыптастыруға жауапты қытайлық уәкілетті туристік компанияларды (бұдан әрі «қытайлық уәкілетті туристік компаниялар» деп аталатын) айқындайды.

Қазақстан тарапы Қазақстан Республикасының заңнамасына сәйкес Қытайлық тарапты Қазақстан Республикасының аумағында қытайлық туристік топтарын қабылдайтын Қазақстан Республикасының аумағындағы қазақстандық туристік операторлары (бұдан әрі «қазақстандық туристік операторлар» деп аталатын) туралы хабардар етеді.