«Жастар корпусын дамыту жобасын іске асыру шеңберінде Қазақстан Республикасы Білім және ғылым министрінің кейбір бұйрықтарына өзгерістер енгізу туралы» Қазақстан Республикасы Білім және ғылым министрінің 2016 жылғы 23 қыркүйектегі № 571 бұйрығы

Жастар корпусын дамыту жобасын іске асыру шеңберінде Қазақстан Республикасы Білім және ғылым министрінің кейбір бұйрықтарына өзгерістер енгізу туралы
Қазақстан Республикасы Білім және ғылым министрінің 2016 жылғы 23 қыркүйектегі № 571 бұйрығы

«Құқықтық актілер туралы» 2016 жылғы 6 сәуірдегі Қазақстан Республикасы Заңының 65-бабының 3-тармағына сәйкес Қазақстан Республикасы Білім және ғылым министрлігіндегі ұйымдастырушылық-штаттық және кадрлық өзгерістерге байланысты БҰЙЫРАМЫН:

1. Қазақстан Республикасы Білім және ғылым министрінің кейбір бұйрықтарына мынадай өзгерістер енгізілсін:

1) «Жастар корпусын дамыту жобасын іске асыру шеңберінде банктік және бухгалтерлік құжаттарға қол қою құқығы туралы» Қазақстан Республикасы Білім және ғылым министрінің 2016 жылғы 29 шілдедегі № 479 бұйрығында:

1 және 2-тармақтар мынадай редакцияда жазылсын:

«1. Банктік және бухгалтерлік құжаттарға, шарттарға, азаматтық-құқықтық мәмілелерді тіркеу өтінімдеріне, азаматтық-құқықтық мәмілелерді тіркеу туралы хабарламаларға, төлем тапсырмаларына, шығыстар сметасына және Дүниежүзілік банктің «Client Connection» жүйесінде арнайы шотты толтыруға, сондай-ақ Жастар корпусын дамыту жобасын іске асыру шеңберінде қарастырылған басқа құжаттарға бірінші қол қою құқығы Қазақстан Республикасы Білім және ғылым вице-министрі Асланбек Кемеңгерұлы Әмринге бекітілсін, ол уақытша болмаған жағдайда бірінші қол қою құқығы өзара алмасушылық бойынша Қазақстан Республикасы Білім және ғылым вице-министрлері Бибігүл Амангелдіқызы Асыловаға және Эльмира Амангелдіқызы Суханбердиеваға жүктелсін.