«Әлеуметтік маңызы бар азық-түлік тауарларын кодтаудың кейбір мәселелері туралы» Қазақстан Республикасы Сауда және интеграция министрінің 2021 жылғы 31 наурыздағы № 246-НҚ бұйрығы

Әлеуметтік маңызы бар азық-түлік тауарларын кодтаудың кейбір мәселелері туралы

Қазақстан Республикасы Сауда және интеграция министрінің 2021 жылғы 31 наурыздағы № 246-НҚ бұйрығы

«Әкімшілік рәсімдер туралы» 2000 жылғы 27 қарашадағы Қазақстан Республикасы Заңының 10-бабына сәйкес, Қазақстан Республикасы Сауда және интеграция министрінің 2020 жылғы 23 қарашадағы № 259-НҚ бұйрығымен бекітілген Әлеуметтік әмиянды енгізу және тауар өткізу жүйесін құру жөніндегі жол картасының 1.5-тармағын іске асыру мақсатында БҰЙЫРАМЫН:

1. Қоса беріліп отырған:

1) әлеуметтік маңызы бар азық-түлік тауарларын кодтау жөніндегі пилоттық жобаны жүргізу жөніндегі әдістемелік ұсынымдар;

2) пилоттық жобаға тартылған әлеуметтік маңызы бар тауарлардың тізбесі бекітілсін.

2. Пилоттық жобаны іске асыру мерзімі 2021 жылғы 1 қазаннан бастап 2021 жылғы 31 желтоқсанға дейін белгіленсін.

3. Осы бұйрықтың орындалуын бақылау жетекшілік ететін Қазақстан Республикасының Сауда және интеграция вице-министріне жүктелсін.

4. Осы бұйрық қол қойылған күнінен бастап күшіне енеді және таратылуға жатады.

Қазақстан Республикасы

Сауда және интеграция министрінің

2021 жылғы 31 наурыздағы

№ 246-НҚ бұйрығымен

бекітілді

Әлеуметтік маңызы бар азық-түлік тауарларын кодтау бойынша пилоттық жобаны жүргізу жөніндегі

әдістемелік ұсынымдар

1. Осы Әлеуметтік маңызы бар азық-түлік тауарларын кодтау жөніндегі пилоттық жобаны жүргізу жөніндегі әдістемелік ұсынымдар (бұдан әрі - Әдістемелік ұсынымдар) Қазақстан Республикасында айналымдағы әлеуметтік маңызы бар азық-түлік тауарларын сәйкестендіру құралдарымен кодтау жөніндегі пилоттық жобаны жүргізу кезіндегі іс-қимылдардың дәйектілігін белгілейді.

2. Әлеуметтік маңызы бар азық-түлік тауарларын кодтау жөніндегі пилоттық жобаның (бұдан әрі - пилоттық жоба) мақсаты пилоттық жобаға тартылған әлеуметтік маңызы бар азық-түлік тауарларына (бұдан әрі - ӘМАТ) кодтар беру болып табылады.