Кейбір мемлекеттік қызметтерді көрсетудің эксаумақтық қағидатын енгізу жөніндегі пилоттық жобаны іске асыру туралы» Қазақстан Республикасы Еңбек және халықты әлеуметтік қорғау министрінің 2021 жылғы 30 маусымдағы № 230 және Қазақстан Республикасы Цифрлық даму, инновациялар және аэроғарыш өнеркәсібі министрінің 2021 жылғы 12 шілдедегі № 241/НҚ бірлескен бұйрығы (2022.24.01. берілген өзгерістермен)

Кейбір мемлекеттік қызметтерді көрсетудің эксаумақтық қағидатын енгізу жөніндегі пилоттық жобаны іске асыру туралы
Қазақстан Республикасы Еңбек және халықты әлеуметтік қорғау министрінің 2021 жылғы 30 маусымдағы № 230 және Қазақстан Республикасы Цифрлық даму, инновациялар және аэроғарыш өнеркәсібі министрінің 2021 жылғы 12 шілдедегі № 241/НҚ бірлескен бұйрығы

(2022.24.01. берілген өзгерістермен)

«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының 22-бабына сәйкес БҰЙЫРАМЫЗ:

ҚР Цифрлық даму, инновациялар және аэроғарыш өнеркәсібі министрінің 2022.24.01. № 15/НҚ және ҚР Еңбек және халықты әлеуметтік қорғау министрінің бірлескен бұйрығымен 1-тармақ жаңа редакцияда (бұр.ред.қара)

1. Мынадай мемлекеттік қызметтерді көрсетудің эксаумақтық қағидатын енгізу бойынша пилоттық жоба іске қосылсын:

«Бала туғанда берілетін және бала күтімі бойынша жәрдемақыларды тағайындау»;

«Жүктілікке және босануға, жаңа туған баланы асырап алуға байланысты табысынан айырылу жағдайы бойынша әлеуметтік төлем тағайындау»;

«Бала бір жасқа толғанға дейін оның күтіміне байланысты табысынан айырылу жағдайына әлеуметтік төлем тағайындау»;

«Асыраушысынан айырылу жағдайы бойынша әлеуметтік төлем тағайындау»;

«Жұмысынан айырылу жағдайы бойынша әлеуметтік төлем тағайындау»;

«Мемлекеттік арнайы жәрдемақылар тағайындау»;

«Жерлеуге арналған біржолғы төлем тағайындау»;

«Арнаулы мемлекеттік жәрдемақы тағайындау»;

«Мүгедек баланы тәрбиелеп отырған анаға немесе әкеге, бала асырап алушыға, қорғаншыға (қамқоршыға) жәрдемақы тағайындау»;

«Жасына байланысты зейнетақы төлемдерін тағайындау»;

«Мемлекеттік базалық зейнетақы төлемдерін тағайындау»;

«Асыраушысынан айырылу жағдайы бойынша мемлекеттік әлеуметтік жәрдемақы тағайындау»;

«Мүгедектігі бойынша мемлекеттік әлеуметтік жәрдемақы тағайындау»;